ស្ថាប័នពិភពលោក បាននិយាយនៅក្នុងការកត់សំគាល់មួយទៅកាន់អ្នកឆ្លើយឆ្លងព័ត៌មានថា អង្គការសហប្រជាជាតិ បានបញ្ជាក់ពីការទទួលខុសត្រូវ របស់រដ្ឋាភិបាលអន្តរកាលរបស់ប្រទេសម៉ាលី សម្រាប់សុវត្ថិភាពនិងសន្តិសុខរបស់កងរក្សាសន្តិភាព និងអំពាវនាវសម្រាប់ការពង្រីកិច្ចសហប្រតិបត្តិការចាំបាច់ទាំងអស់ដើម្បីសម្របសម្រួលការដកបេសកកម្មសមាហរណកម្មស្ថិរភាពពហុតំបន់របស់អង្គការសហប្រជាជាតិក្នុងប្រទេសម៉ាលី(MINUSMA)។ បេសកកម្មនេះ ត្រូវបានបង្កើតឡើង នៅក្នុងឆ្នាំ២០១៣ ដោយក្រុមប្រឹក្សាសន្តិសុខអង្គការសហប្រជាជាតិ និងបានហៅថា ជាបេសកកម្មដែលគ្រោះថ្នាក់បំផុតចំពោះកងរក្សាសន្តិភាព។ ក្រុមប្រឹក្សានេះ បានបញ្ចប់អាណត្តិរបស់ខ្លួនកាលពីខែមិថុនា បន្ទាប់ពីមានសំណើធ្វើឡើងដោយរដ្ឋាភិបាលយោធារបស់ប្រទេសនេះ។ 

បេសកកម្មនេះកំពុងស្ថិតនៅលើផ្លូវចាកចេញពីប្រទេសអាហ្វ្រិកខាងលិចមួយនេះ នៅត្រឹមថ្ងៃទី៣១ ខែធ្នូ ហើយគោរពយ៉ាងពេញលេញចំពោះក្រមខណ្ឌពេលវេលា។ បេសកកម្មនេះ បានបញ្ចប់ការដកកងទ័ព និងបុគ្គលិកស៊ីវិលដែលបានពន្លឿន ចេញពីមូលដ្ឋានរបស់ខ្លួននៅក្នុងតំបន់ Tessalit នៅភាគខាងជើងប្រទេសម៉ាលី ដែលគ្មានសុវត្ថិភាព កាលពីថ្ងៃសៅរ៍ ប៉ុន្តែនៅតែមានការព្រួយបារម្ភអំពីសុវត្ថិភាពនៃក្បួនរថយន្តលើដីគោកឆ្ពោះទៅកាន់តំបន់ Gao មានចម្ងាយប្រមាណ៥៥០គីឡូម៉ែត្រ។

ការចាកចេញពីតំបន់ Tessalit បានកំណត់នូវការបិទជំរំជាលើកដំបូង របស់បេសកកម្មសមាហរណកម្មស្ថិរភាពពហុតំបន់ក្នុងប្រទេសម៉ាលី(MINUSMA) នៅក្នុងតំបន់ Kidal នៅប្រទេសម៉ាលី ភាគខាងជើង ក្នុងពេលការធ្លាក់ចុះកាន់ធ្ងន់ធ្ងរស្ថានភាពសន្តិសុខ ដែលធ្វើឲ្យគ្រោះថ្នាក់ដល់អាយុជីវិតបុគ្គលិកស៊ីវិល និងគ្មានឯកសណ្ឋានរាប់រយនាក់។