សមាជិកគ្រួសារមួយចំនួនរបស់ជនជាតិអ៊ីស្រាអែលដែលកំពុងត្រូវបានចាប់ធ្វើជាចំណាប់ថ្នូរ នៅតំបន់ហ្កាហ្សានិយាយកាលពីថ្ងៃទី៣០តុលាថា វីដេអូដែលបានចេញផ្សាយដោយក្រុមហាម៉ាសនៅថ្ងៃដដែលនោះបានធ្វើឱ្យពួកគេសង្ឃឹមថាមនុស្សជាទីស្រលាញ់របស់ខ្លួននៅមានជីវិតនៅឡើយ។
វីដេអូបង្ហាញពីស្ត្រីបីនាក់អង្គុយក្បែរជញ្ជាំងទទេ ដែលម្នាក់និយាយសារខឹងសម្បារទៅកាន់លោក នាយករដ្ឋមន្ត្រី Netanyahu ដោយសុំឱ្យពួកគេនាំទៅផ្ទះវិញជាថ្នូរនឹងការដោះលែងក្នុងអ្នកទោសប៉ាឡេស្ទីន។
ក្នុងពេលជាមួយគ្នានោះដែរ មនុស្សជាច្រើនបានប្រមូលផ្តុំគ្នាជុំវិញគ្រែ និងគ្រែកុមារដែលរៀបចំឡើងនៅទីលានមួយក្នុងទីក្រុងហ្សេរ៉ុយសេឡឹម កាលពីថ្ងៃចន្ទ ទី៣០ ខែតុលា ឆ្នាំ២០២៣ ដើម្បីរក្សាភាពស្ងៀមស្ងាត់មួយសន្ទុះរំឭកដល់ក្រុមចំណាប់ថ្នូររាប់រយនាក់ដែលត្រូវបានចាប់ខ្លួនដោយក្រុមសកម្មប្រយុទ្ធហាម៉ាសក្នុងការវាយប្រហាររបស់ខ្លួនលើអ៊ីស្រាអែលកាលពីថ្ងៃទី ៧ ខែតុលា។
អ៊ីស្រាអែលបាននិយាយថា មនុស្សចំនួន ២២៩នាក់ ត្រូវបានចាប់ធ្វើជាចំណាប់ខ្មាំង នៅពេលដែលពួកសកម្មប្រយុទ្ធបានវាយលុកឆ្លងព្រំដែនភាគខាងត្បូងប្រទេសអ៊ីស្រាអែលក្នុងការវាយប្រហារដែលបានសម្លាប់មនុស្ស ១.៤០០នាក់។
ក្រុមហាម៉ាស់បានដោះលែងចំណាប់ខ្មាំងបួននាក់មកទល់ពេលនេះ ហើយបាននិយាយថាមនុស្ស៥០នាក់ ត្រូវបានសម្លាប់នៅក្នុងការវាយប្រហារសងសឹក។
អ៊ីស្រាអែលបាននិយាយកាលពីថ្ងៃចន្ទចំណាប់ថ្នូរអ្នកស្រីហ្សានី នីកូល ឡូក (Shani Nicole Louk)ស្ត្រីជនជាតិអាឡឺម៉ង់-អ៊ីស្រាអែល ដែលត្រូវបានក្រុមហាម៉ាស ចាប់ទាញពីកន្លែងប្រគុំតន្ត្រីកាលពីថ្ងៃទី៧ ខែតុលា ហើយបានដង្ហែរជុំវិញតំបន់ហ្កាហ្សាដោយក្រុមនោះ បានស្លាប់ហើយ។ ក្រុមហាម៉ាសពុំបាន ធ្វើអត្ថាធិប្បាយអំពីជោគវាសនារបស់អ្នកស្រីឡូកនោះទេ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
