នាយករដ្ឋមន្ត្រីចាំផ្ទះរបស់ប្រទេសលីបង់ បាននិយាយកាលពីថ្ងៃចន្ទថា លោកកំពុងធ្វើការ ដើម្បីធានាថាប្រទេសរបស់លោកមិនចូលទៅក្នុងសង្គ្រាមហាម៉ាស-អ៊ីស្រាអែល សូម្បីតែក្រុមហេសបូឡា និងអ៊ីស្រាអែលបាននិងកំពុងបាញ់តគ្នាឆ្លងព្រំដែនក៏ដោយ។

លោក Najib Mikati បាននិយាយថា លោកភ័យខ្លាចការកើនឡើង ជាមួយនឹងការប៉ះទង្គិចនៅតាមព្រំដែន បង្កឲ្យមានការព្រួយបារម្ភថា ចលនាហេសបូឡាហ៍ ដែលគាំទ្រដោយអ៊ីរ៉ង់ដ៏មានឥទ្ធិពលរបស់ប្រទេសលីបង់ ដែលជាសម្ព័ន្ធមិត្តរបស់ក្រុមហាម៉ាស អាចបើកច្រកព្រំដែនថ្មីមួយជាមួយអ៊ីស្រាអែល។

លោក Mikati បានប្រាប់សារព័ត៌មាAFP នៅក្នុងបទសម្ភាសន៍មួយថា៖«ខ្ញុំកំពុងបំពេញកាតព្វកិច្ចរបស់ខ្ញុំដើម្បីការពារប្រទេសលីបង់មិនឲ្យចូលទៅក្នុងសង្រ្គាមដែលរាលដាលនៅភាគខាងត្បូង។

ប្រទេសលីបង់ដែលមានបញ្ហាលុយប្រាក់ កំពុងប្រឈមមុខនឹងលទ្ធភាពនៃសង្គ្រាម ដែលមិនមានអ្នកដឹកនាំ ដោយសារតែការបែងចែកនយោបាយ បានធ្វើឲ្យប្រទេសនេះ គ្មានប្រធានាធិបតីអស់រយៈពេលមួយឆ្នាំ ខណៈដែលលោក Mikati បានដឹកនាំគណៈរដ្ឋមន្ត្រីចាំផ្ទះ ប្រហែលមួយឆ្នាំកន្លះហើយនោះ។