មន្ត្រីគោលនយោបាយប្រតិបត្តិការពិសេសកំពូលរបស់មន្ទីរបញ្ចកោណ បាននិយាយកាលពីថ្ងៃអង្គារថា កងកុម៉ង់ដូអាមេរិកនៅលើដីក្នុងប្រទេសអ៊ីស្រាអែល កំពុងជួយស្វែងរកចំណាប់ថ្នូរជាង ២០០នាក់ ដែលត្រូវបានចាប់ខ្លួនក្នុងអំឡុងពេលការវាយប្រហារឆ្លងព្រំដែនដ៏គួរឲ្យភ្ញាក់ផ្អើលរបស់ក្រុមហាម៉ាស កាលពីថ្ងៃទី៧ ខែតុលា។

លោក Christopher Maier ជំនួយការរដ្ឋមន្ត្រីការពារជាតិ បាននិយាយនៅក្នុងសន្និសីទប្រតិបត្តិការពិសេសក្នុងទីក្រុងវ៉ាស៊ីនតោនថា៖«យើងកំពុងជួយយ៉ាងសកម្មដល់ប្រជាជនអ៊ីស្រាអែលឲ្យធ្វើកិច្ចការមួយចំនួន»។ លោក បាននិយាយថា ភារកិច្ចចម្បងមួយ គឺជួយអ៊ីស្រាអែល «កំណត់អត្តសញ្ញាណចំណាប់ថ្នូរ រួមទាំងចំណាប់ថ្នូរអាមេរិកផងដែរ។ វាពិតជាការទទួលខុសត្រូវរបស់យើង ក្នុងការធ្វើដូច្នេះ»។

លោក Maier បដិសេធមិននិយាយថាតើកងកម្លាំងប្រតិបត្តិការពិសេសរបស់អាមេរិកប៉ុន្មាននាក់បច្ចុប្បន្ននៅក្នុងប្រទេសអ៊ីស្រាអែលទេ។ ប៉ុន្តែមន្ត្រីអាមេរិកផ្សេងទៀត និយាយថា ក្រសួងការពារជាតិ បានបញ្ជូនកងកុម្ម៉ង់ដូរាប់សិបនាក់ ក្នុងប៉ុន្មានសប្តាហ៍ថ្មីៗនេះ បន្ថែមពីលើក្រុមតូចមួយ ដែលស្ថិត នៅក្នុងអ៊ីស្រាអែលកាលពីថ្ងៃទី៧ ខែតុលា ដែលធ្វើការហ្វឹកហាត់ ដែលបានគ្រោងទុកពីមុន។

មន្ត្រីដែលបាននិយាយក្នុងលក្ខខណ្ឌមិនបញ្ចេញឈ្មោះ ដើម្បីពិភាក្សាអំពីបញ្ហាប្រតិបត្តិការ បាននិយាយថា កងកុម្មង់ដូ នឹងចូលរួមជាមួយ FBI ក្រសួងការបរទេស និងអ្នកជំនាញការសង្គ្រោះចំណាប់ខ្មាំងរបស់    រដ្ឋាភិបាលសហរដ្ឋអាមេរិកផ្សេងទៀត កំពុងពិភាក្សាជាមួយសមភាគីអ៊ីស្រាអែល។