ភ្នំពេញ៖ គណៈកម្មការវត្តមង្គលវ័ន និងអាជ្ញាធរខណ្ឌ៧មករា បានចែកទេយ្យទាន ដល់ពលរដ្ឋ ចាស់ជរា ជីវភាពខ្វះខាត ចំនួន៩៣គ្រួសារ ដែលរស់នក្នុងមូលដ្ឋានសង្កាត់មនោរម្យ ដែលជាទេយ្យទាន របស់កម្មការវត្តមង្គលវ័ន។

កម្មវិធីចែកជូននៅទេយ្យទាននេះ ក្រោមអធិបតីភាព ព្រះសរណបញ្ញា កង ស៊ីនួន ព្រះចៅអធិការវត្តមង្គលវ័ន ហៅស្វាយដង្គុំ និង លោក ថេង សុថុល អភិបាល នៃគណៈអភិបាលខណ្ឌ៧មករា បានធ្វើឡើងនៅវេលាម៉ោង ០៩ព្រឹកថ្ងៃទី០៤ ខែវិច្ឆិកា ឆ្នាំ ២០២៣ នៅក្នុងបរិវេណវត្តមង្គលវ័ន ហៅស្វាយដង្គុំ ក្នុងសង្កាត់មនោរម្យ ខណ្ឌ៧មករា។

ព្រះសរណបញ្ញា កង ស៊ីនួន ព្រះចៅអធិការវត្តមង្គលវ័ន ហៅស្វាយដង្គុំ មានព្រះថេរដីកាសំណេះសំណាល និងសួរសុខទុក្ខ ជាមួយពុទ្ធបរិស័ទ សូមឱ្យប្រជាពុទ្ធបរិស័ទដែលរស់នៅក្នុងមូលដ្ឋានសង្កាត់មនោរម្យក៏ដូចជាមូលដ្ឋានខណ្ឌ ៧មករាទាំងមូលសូមមានសុខភាពល្អ មានសេចក្ដីសុខសេចក្ដីចំរើន ប្រកបមុខរបរដោយរលូត។

លោក ថេង សុថុល អភិបាលនៃគណៈអភិបាលខណ្ឌ៧មករា ក៏មានប្រសាសន៍សំណេះសំណាលជាមួយនឹងបងប្អូនប្រជាពុទ្ធបរិស័ទ

បានសួរសុខទុក និងសូមអរគុណដល់ប្រជាពលរដ្ឋទាំងអស់ បានចូលរួមថែរក្សា សន្តិសុខសុវត្ថិភាពនិង រស់នៅដោយសន្តិភាព។ និងសូមជូនពរដល់ប្រជាពុទ្ធបរិស័ទទាំងអស់មានសុខភាពល្អកម្លាំងកាយមាំមួន។ 

ទេយ្យទានដែលចែកជូនដល់គ្រួសារក្រីក្រចំនួន ៩៣ គ្រួសាររួមមានអង្ករចំនួន ២៥គីឡូក្រាម មី២០កញ្ចប់ តែ ៥ កញ្ចប់ ស្ករស២គីឡូ ភេសជ្ជៈ ៥ កំប៉ុង ត្រីខ ៥កំប៉ុង ទឹកដោះគោ២កំប៉ុង និងថវិការចំនួន ២០០០០ រៀលក្នុងមួយគ្រួសារ៕ អត្ថបទ៖ កុម្ភៈ