នៅជុំវិញវិហារឥស្លាមដ៏សំខាន់នៅក្នុងជំរុំ Jenin សម្រាប់ជនភៀសខ្លួនប៉ាឡេស្ទីន ទិដ្ឋភាពនៃអំពើហិង្សាកើនឡើងនៅក្នុងតំបន់វេសបែងដែលគ្រប់គ្រងដោយអ៊ីស្រាអែល កើតឡើងឥតឈប់ឈរ។

កងកម្លាំងអ៊ីស្រាអែល បង្កើនការវាយឆ្មក់ ក្រុមសកម្មប្រយុទ្ធប្រយុទ្ធនឹងពួកគេ នៅតាមដងផ្លូវ ហើយផ្ទាំងរូបភាពនៃអ្នកស្លាប់ ត្រូវបានបិទភ្ជាប់លើរូបថតរបស់«ទុក្ករបុគ្គល» ពីមុនៗ ដោយសារភាពតានតឹងនៃជម្លោះដែលមានរយៈពេលជាច្រើនទសវត្សរ៍ ត្រូវបានចោទប្រកាន់យ៉ាងខ្លាំងដោយសង្រ្គាមអ៊ីស្រាអែល និងក្រុមហាម៉ាស។

លោក Ismail Jaradat អ៊ីម៉ាមនៃសាលអធិស្ឋាន បានប្រាប់សារព័ត៌មាន AFP ថា៖«នៅពេលដែលមានពិធីបុណ្យសព នៅក្នុងវិហារឥស្លាម ជាទូទៅ ធម្មទេសនា ត្រូវបានផ្តល់ឲ្យ ដោយនិយាយអំពីសេចក្តីស្រឡាញ់ ក្តីមេត្តា និងសន្តិភាព ក្នុងចំណោមមនុស្ស»។

បុរសអាយុ ៥៣ ឆ្នាំរូបនេះ បាននិយាយនៅខាងក្នុងវិហារឥស្លាម ដែលជាកន្លែងពិធីបុណ្យមួយត្រូវបានរៀបចំសម្រាប់ជនសកម្មប្រយុទ្ធជីហាដឥស្លាមបីនាក់ ដែលបានសម្លាប់កាលពីថ្ងៃសុក្រថា៖«ពេលខ្លះ ពួកគេក៏ពិភាក្សាអំពីការស្លាប់ និងសារៈសំខាន់នៃការរៀនមេរៀនពីសាសនានេះ»។

ចាប់តាំងពីក្រុមហាម៉ាស បានបើកការវាយប្រហារកាលពីថ្ងៃទី៧ ខែតុលា ទៅលើអ៊ីស្រាអែលពីតំបន់ហ្កា ហ្សាស្ទ្រីប ដោយបានសម្លាប់មនុស្ស ១.៤០០នាក់ ភាគច្រើនជាជនស៊ីវិល កងកម្លាំងសន្តិសុខអ៊ីស្រាអែលក៏បានបង្កើនការលុកលុយរបស់ពួកគេ នៅតំបន់វេសបែងផងដែរ។