ម៉ាឡេសុី ៖ ក្រសួងបរិស្ថានរបស់ប្រទេសបាននិយាយថា ប្រទេសម៉ាឡេស៊ី នឹងមិនបន្តសេចក្តីស្នើច្បាប់ដែលបាន ស្នើឡើងដើម្បីការពារកង្វក់ផ្សែងអ័ព្ទឆ្លងព្រំដែននោះទេ ដោយលើកឡើងពីផលវិបាកជាច្រើនក្នុងការទទួលបានព័ត៌មានចាំបាច់ សម្រាប់គោលបំណងចំណាត់ការ។ 

ស្ទើរតែរៀងរាល់រដូវក្តៅ ផ្សែងមកពីចំហេះព្រៃសម្អាតដី សម្រាប់ដាំដំណាំដូងប្រេង និងដំណាំឈើសម្រាប់ផលិតក្រដាស់ នៅក្នុងប្រទេសឥណ្ឌូនេស៊ី បានគ្របដណ្តប់លើតំបន់ភាគច្រើន ដែលនាំទៅរកការព្រួយបារម្ភសម្រាប់សុខភាពសាធារណៈ។ 

នៅក្នុងសំណេរឆ្លើយតបទៅកាន់សភាកាលពីថ្ងៃចន្ទ ក្រសួងបរិស្ថានរបស់ប្រទេសម៉ាឡេស៊ី បាននិយាយថា វិធីសាស្ត្រផ្នែកការទូត តាមរយៈការចរចា គឺជាមធ្យោបាយដ៏ប្រសើរ ដើម្បីដោះស្រាយរួម បញ្ហាផ្សែងអ័ព្ទ ពាក់ព័ន្ធជាមួយព្រំដែនអន្តរជាតិ។

ក្រសួងនិយាយថា ដើម្បីផ្តល់លទ្ធភាពដល់ការអនុវត្តន៍សេចក្តីស្នើច្បាប់កង្វក់ផ្សែងអ័ព្ទឆ្លងព្រំដែន ភស្តុតាងច្បាស់ណាស់ថា ផ្សែងអ័ព្ទឆ្លងព្រំដែន មានប្រភពមកពីប្រទេសជិតខាង ដែលមានទិន្នន័យគ្រប់គ្រាន់ ដូចជាផែនទីសម្រាប់ទីតាំង អ្នកសម្របសម្រួល ព័ត៌មានពីម្ចាស់ដី និងក្រុមហ៊ុន ដែលកំពុងធ្វើប្រតិបត្តិការ នៅក្នុងទីតាំងចំហេះព្រៃ។ 

ក្រសួងនិយាយថា ព័ត៌មានបែបនេះ មានការលំបាក ដើម្បីទទួលបាន ខណៈវាជាប់ពាក់ព័ន្ធបញ្ហាជាច្រើននៃភាពសម្ងាត់ សន្តិសុខ និងអធិបតេយ្យភាពជាតិ។ កាលពីខែមុន ប្រទេសម៉ាឡេស៊ី បានអំពាវដល់ប្រទេសឥណ្ឌូនេស៊ី និងក្រុមប្រទេសប្រជាជាតិអាស៊ីអាគ្នេយ៍ ដើម្បីមានចំណាត់ការ ខណៈគុណភាពខ្យល់ ធ្លាក់ចុះខ្លាំងនៅទូទាំងប្រទេស ដោយសារតែចំហេះព្រៃនៅក្នុងប្រទេសឥណ្ឌូនេស៊ី។