អាមេរិក ៖ បេសកជនអាមេរិកលោក Amos Hochstein ដែលកំពុងធ្វើទស្សនកិច្ចនៅប្រទេសនេះ កាលពីថ្ងៃអង្គារ បានជំរុញឲ្យមានភាពស្ងប់ស្ងាត់ត្រឡប់ទៅព្រំដែនភាគខាងត្បូងនៃប្រទេសលីបង់ជាមួយអ៊ីស្រាអែលវិញ បន្ទាប់ពីមានការប៉ះទង្គិចគ្នាជាច្រើនសប្តាហ៍ បន្ទាប់ពីការចាប់ផ្តើមនៃសង្រ្គាមអ៊ីស្រាអែល និងក្រុមហា   ម៉ាស។

លោក Hochstein បានថ្លែងប្រាប់សន្និសីទសារព័ត៌មាន នៅទីក្រុងបេរូត (Beirut)ថា៖«សហរដ្ឋអាមេរិកមិនចង់ឃើញជម្លោះនៅក្នុងតំបន់ហ្កាហ្សា កើនឡើង និងពង្រីកចូលទៅក្នុងប្រទេសលីបង់ទេ»។

លោកបានបន្ថែមថា៖«ការស្តារភាពស្ងប់ស្ងាត់ នៅតាមព្រំដែនភាគខាងត្បូង គឺមានសារៈសំខាន់បំផុតសម្រាប់សហរដ្ឋអាមេរិក ហើយវាគួរតែជាអាទិភាពខ្ពស់បំផុតសម្រាប់ទាំងប្រទេសលីបង់ និងអ៊ីស្រាអែល» ។

ចាប់តាំងពីក្រុមសកម្មប្រយុទ្ធហាម៉ាស បានបើកការវាយប្រហារដ៏គួរឲ្យភ្ញាក់ផ្អើលកាលពីថ្ងៃទី៧ ខែតុលាលើអ៊ីស្រាអែលពីតំបន់ហ្កាហ្សាស្ទ្រីប ព្រំដែនភាគខាងត្បូងនៃប្រទេសលីបង់ បានឃើញមានការបាញ់តគ្នាទៅវិញទៅមក កាន់តែខ្លាំងឡើង ភាគច្រើនរវាងអ៊ីស្រាអែល និងក្រុមហេសបូឡា ដែលជាសម្ព័ន្ធមិត្តរបស់ក្រុមប៉ាឡេស្ទីន ដែលបង្កឲ្យមានការភ័យខ្លាចចំពោះការបះបោរកាន់តែធំឡើង។