វិមានក្រឹមឡាំង បាននិយាយនៅថ្ងៃពុធនេះថា លោកខាងលិច បានបង្ហាញនូការឈ្លានពានរបស់ខ្លួនឆ្ពោះមករករុស្ស៊ី ប៉ុន្ដែបាននិយាយថា នៅពេលដែលនិយាយពីនុយក្លេអ៊ែរ ក្រុងម៉ូស្គូក៏មានគោលការណ៍នុយក្លេអ៊ែររបស់ខ្លួនដែរហើយគោលការណ៍នេះ មិនត្រូវបានផ្លាស់ប្ដូរឡើយ។

លេខានៃក្រុមប្រឹក្សាសន្ដិសុខជាតិរុស្ស៊ីលោក នីកូឡៃ ប៉ាទ្រូសេវ បាននិយាយកាលពីពេលនៅព្រឹកថ្ងៃពុធនេះថា គោលនយោបាយបំផ្លាញរបស់សហរដ្ឋអាមេរិក និងសម្ព័នមិត្ដរបស់ខ្លួនគឺកំពុងបង្កើនគ្រោះថ្នាក់ ដែលអាវុធនុយក្លេអ៊ែរ អាវុធគីមី ឬអាវុធជីវសាស្រ្ដនឹងអាចគេយកទៅប្រើប្រាស់។

នៅពេលគេសួរអំពីការអត្ថាធិប្បាយទាំងនេះ អ្នកនាំពាក្យវិមានក្រឹមឡាំង លោកឌីមីទ្រីប៉េសកូវ បាននិយាយថា លោកប៉ាទ្រូសេវ គឺជារដ្ឋលេខានៃក្រុមប្រឹក្សាសន្ដិសុខជាតិ។ពោលគឺលោកជាផ្នែកមួយរបស់វិមានក្រឹមឡាំង ហើយសេចក្ដីថ្លែងការេរបស់លោកគឺជាសេចក្ដីថ្លែងការចេញពីវិមានក្រឹមឡាំងដែរ។

លោកប៉េសកូវ បាននិយាយថា សម្រាប់សហព័ន្ធរុស្ស៊ី យើងមានគោលការណ៍មួយដែលអ្វីៗត្រូវបានគេបញ្ជាក់ច្បាស់ហើយ។ លោកបន្ដថា មិនមានអ្វីដែលត្រូវផ្លាស់ប្ដូរឡើយ។ ហើយវាក៏ត្រូវបានបញ្ជាក់ចេញពីប្រធានាធិបតីផងដែរ៕