នាយករដ្ឋមន្ត្រីអ៊ីស្រាអែល លោក បេនចាមីន ណេតានីយ៉ាហ៊ូ (Benjamin Netanyahu) បាននិយាយកាលពីថ្ងៃព្រហស្បតិ៍ថា ប្រទេសរបស់លោក មិនស្វែងរកការដណ្តើមយក កាន់កាប់ ឬគ្រប់គ្រងតំបន់ ហ្កាហ្សា បន្ទាប់ពីសង្គ្រាមប្រឆាំងនឹងក្រុមហាម៉ាសនោះទេ ប៉ុន្តែ «កម្លាំងគួរឲ្យទុកចិត្ត» នឹងត្រូវការ ដើម្បីចូលទៅក្នុងដែនដីប៉ាឡេស្ទីន ប្រសិនបើចាំបាច់ ដើម្បីការពារការលេចឡើងនៃការគំរាមកំហែងរបស់ក្រុមសកម្មប្រយុទ្ធ។

ការអត្ថាធិប្បាយរបស់លោក ណេតានីយ៉ាហ៊ូ នៅសប្តាហ៍នេះ ដែលបង្ហាញថា អ៊ីស្រាអែលនឹងទទួលខុសត្រូវចំពោះសន្តិសុខតំបន់ហ្កាហ្សា ដោយមានការរុញច្រានមិនជាក់លាក់ពីសហរដ្ឋអាមេរិកដែលជាសម្ព័ន្ធមិត្តដ៏សំខាន់របស់អ៊ីស្រាអែល។

ទីក្រុងវ៉ាស៊ីនតោន បាននិយាយថា ខ្លួននឹងប្រឆាំងនឹងការគ្រប់គ្រងតំបន់ហ្កាហ្សាក្រោយសង្គ្រាមរបស់អ៊ីស្រាអែល ជាកន្លែងដែលអ៊ីស្រាអែល បានធ្វើយុទ្ធនាការទម្លាក់គ្រាប់បែក ដើម្បីបំផ្លាញអ្នកគ្រប់គ្រងក្រុ

ហាម៉ាស បន្ទាប់ពីក្រុមសកម្មប្រយុទ្ធ បានវាយលុកឆ្លងកាត់សហគមន៍អ៊ីស្រាអែលភាគខាងត្បូង កាលពីថ្ងៃទី៧ ខែតុលា ក្នុងការវាយប្រហារដែលអ៊ីស្រាអែលនិយាយថា បានសម្លាប់មនុស្ស១.៤០០នាក់។

ថ្លែងទៅកាន់ទូរទស្សន៍ Fox News របស់សហរដ្ឋអាមេរិក កាលពីថ្ងៃព្រហស្បតិ៍ លោក ណេតានីយ៉ាហ៊ូ បាននិយាយថា៖«យើងមិនស្វែងរកការដណ្តើមយកតំបន់ហ្កាហ្សាទេ យើងមិនស្វែងរកការកាន់កាប់ហ្កាហ្សា ហើយយើងក៏មិនស្វែងរកការគ្រប់គ្រងហ្កាហ្សាទេ»។