រដ្ឋមន្ត្រីការពារជាតិសហរដ្ឋអាមេរិក បាននិយាយថា សហរដ្ឋ​អាមេរិក​បាន​ធ្វើ​ការ​វាយ​ប្រហារ​តាម​អាកាស​ចំនួន​ពីរ​លើកនៅក្នុងប្រទេសស៊ីរីប្រឆាំងប្រទេសអ៊ីរ៉ង់ និងក្រុមសម្ព័ន្ធមិត្តរបស់ប្រទេសនេះ កាលពីថ្ងៃអាទិត្យ ជាការឆ្លើយតបថ្មី​ចំពោះ​ការ​វាយ​ប្រហារ​ជា​បន្ត​បន្ទាប់​ទៅ​លើ​កង​កម្លាំង​របស់​សហរដ្ឋ​អាមេរិ​កនៅក្នុងប្រទេសស៊ីរី និងនៅអ៊ីរ៉ាក់។

នៅក្នុងសេចក្តីថ្លែងការណ៍ រដ្ឋមន្ត្រីការពារជាតិសហរដ្ឋអាមេរិក លោក Lloyd Austin បាន​និយាយ​ថា ការវាយប្រហារបានដាក់គោលដៅលើទីតាំងហ្វឹកហាត់មួយកន្លែងនៅជិតទីក្រុង Albu Kamal និងលំនៅឋានសុវត្ថិភាពមួយកន្លែងនៅជិតទីក្រុង Mayadeen ។

លោក Austin បាននិយាយ​នៅ​ក្នុង​សេចក្តី​ថ្លែង​ការណ៍​ដែល​បាន​បង្ហោះនៅ​លើ​គេហទំព័រ​របស់​ក្រសួង​ការពារជាតិអាមេរិកថា លោកប្រធានាធិបតី ពុំមានអាទិភាព​ខ្ពស់​ជាង​សុវត្ថិភាព​របស់​បុគ្គលិក​អាមេរិក​នោះទេ ហើយលោកបានដឹកនាំសកម្មភាពនៅពេលបច្ចុប្បន្ននេះ ដើម្បី​បញ្ជាក់​ឱ្យ​ច្បាស់​ថា​សហរដ្ឋអាមេរិកនឹងការពារខ្លួន ការពារបុគ្គលិក និងផលប្រយោជន៍របស់ខ្លួន។

ការ​វាយប្រហារនេះ គឺជាលើកទីបីហើយ ចាប់តាំងពីថ្ងៃទី ២៦ ខែតុលា ខណៈ​សហរដ្ឋ​អាមេរិក​ព្យាយាម​រារាំងរលក បន្ទាប់ពីមានការវាយប្រហារដោយយានដ្រូន និងគ្រាប់រ៉ុក្កែត​ទៅ​លើ​កង​ទ័ព​អាមេរិក​នៅ​ក្នុងប្រទេសស៊ីរី និងអ៊ីរ៉ាក់ ដែលបង្កឡើងដោយសង្រ្គាមអ៊ីស្រាអែល និង​ក្រុម​ហាម៉ាស់​៕