អង្គការសមូហភាពតំបន់ប៉ាស៊ីហ្វិកទទួលបន្ទុបញ្ហានុយក្លេអ៊ែរ បានរិះគន់ជាថ្មីម្តងទៀតចំពោះការបង្ហូរទឹកសំណល់វិទ្យុសកម្មពីរោងចក្រថាមពលនុយក្លេអ៊ែរ Fukushima ដែលរងការបំផ្លាញចូលទៅក្នុងមហាសមុទ្រប៉ាស៊ីហ្វិក ដោយអំពាវនាវឱ្យមេដឹកនាំតំបន់ប៉ាស៊ីហ្វិក ផ្អាកឋានៈប្រទេសជប៉ុនជាដៃគូសន្ទនាវេទិកាកោះតំបន់ប៉ាស៊ីហ្វិក (PIF) ។ អង្គការសមូហភាព ដែលប្រមូលក្រុមសង្គមស៊ីវិល អង្គការមិនមែនរដ្ឋាភិបាល និងចលនានៅក្នុងតំបន់ប៉ាស៊ីហ្វិក បានចេញសេចក្តីថ្លែងការណ៍មួយក្នុងអំឡុងពេលកិច្ចប្រជុំមេដឹកនាំវេទិកាកោះតំបន់ប៉ាស៊ីហ្វិកលើកទី ៥២ ត្រូវបានធ្វើឡើងនៅកោះCook។

សេចក្តីថ្លែងការណ៍ បានថ្កោលទោសរដ្ឋាភិបាលជប៉ុន និងប្រតិបត្តិកររោងចក្រគឺក្រុមហ៊ុនថាមពលអគ្គិសនីតូក្យូ (TEPCO) ចំពោះការទទូចលើដំណើរការដែលមានកំហុស និងគ្រោះថ្នាក់នេះ។ សេចក្តីថ្លែងការណ៍បាននិយាយថា ការរកឃើញរបស់ក្រុមឯករាជ្យនៃអ្នកជំនាញវិទ្យាសាស្ត្រ ដែលត្រូវបានចាត់តាំងដោយវេទិកាកោះតំបន់ប៉ាស៊ីហ្វិកគឺមានភាពច្បាស់លាស់ ទិន្នន័យដែលបានផ្តល់មកដល់ពេលនេះដើម្បីគាំទ្រការអះអាងរបស់ប្រទេសជប៉ុនដែលថាទឹកសំណល់ ត្រូវបានធ្វើប្រព្រឹត្តិកម្មគឺមានសុវត្ថិភាព ដែលមានភាពមិនស៊ីសង្វាក់គ្នា មិនសមហេតុផល ហើយដូច្នេះនៅឆ្ងាយពីការគួរឱ្យទុកចិត្ត។

អង្គការសមូហភាពក៏បានប្រកាសដែរថា ការបញ្ចេញទឹកបែបនេះទៅក្នុងមហាសមុទ្រប៉ាស៊ីហ្វិក គឺជាការរំលោភសិទ្ធិមនុស្សដោយផ្ទាល់។ ក្រៅពីការបំពានច្បាប់អន្តរជាតិដ៏គឃ្លើន អង្គការសមូហភាពបាននិយាយថា អាកប្បកិរិយា និងការដោះស្រាយរបស់ប្រទេសជប៉ុនលើបញ្ហានេះគឺជាការមើលងាយដល់អធិបតេយ្យភាពរបស់រដ្ឋតំបន់ប៉ាស៊ីហ្វិក និងការមិនក្លាយជាដៃគូសន្ទនារបស់វេទិកាកោះតំបន់ប៉ាស៊ីហ្វិក (PIF)។ ដោយបង្កើតឡើងក្នុងឆ្នាំ ១៩៧១ វេទិកាកោះតំបន់ប៉ាស៊ីហ្វិក (PIF) គឺជាអង្គការគោលនយោបាយសេដ្ឋកិច្ច និងនយោបាយឈានមុខក្នុងតំបន់ដែលមានសមាជិកចំនួន ១៨ប្រទេស ។