ក្នុងពិធីកម្មសាសនានៅរដ្ឋភាគកណ្តាល Madhya ប្រទេសឥណ្ឌា ហិណ្ឌូសាសនិកនៅថ្ងៃចន្ទ បានក្រោបចុះនៅមុខគោ ដើម្បីឲ្យពួកវាជាន់ ។

 ប្រារព្ធរយៈពេល ១ថ្ងៃ ក្រោយពិធីបុណ្យហិណ្ឌូឌីវ៉ាលី ក្រុមអ្នកស្រុកគោរពបូជាគោ ហើយបន្ទាប់មកឲ្យពួកវារត់ជាន់ពីលើ ដើម្បីបំពេញក្តីប្រាថ្នារបស់ពួកគេ ។

 អ្នកស្រី Sonu Sisodiaគឺជាអ្នកស្រុកមួយរូប និយាយរៀបរាប់ពីពិធីកម្មសាសនានេះថា នេះមិនមែនជាអបិយជំនឿណាមួយទេ ។

 អ្នកស្រីនិយាយថា នៅក្នុងភូមិរបស់ពួកយើង វាគឺជាប្រពៃណីវ័យចំណាស់នៃពិធីបុណ្យគោរពបូជាព្រះគោព្រះកែវ ។ មនុស្សដែលចង់បំពេញបំណងប្រាថ្នារបស់ពួកគេ ត្រូវគោរពព្រះគោព្រះកែវ រយៈពេល ៥ថ្ងៃ ហើយនៅថ្ងៃទី ៥ ពួកគេត្រូវក្រោបចុះ ហើយគោទាំងអស់នៅក្នុងភូមិត្រូវរត់ជាន់ពួកគេ ប៉ុន្តែវាមិនធ្វើឲ្យពួកគេរងរបួស ឬឈឺចាប់អ្វីឡើយ ។ នេះមិនមែនជាអបិយជំនឿណាមួយនោះទេ ។ គ្រប់គ្នារក្សាបំណងប្រាថ្នារបស់ពួកគេ ហើយបំណងប្រាថ្នារបស់ពួកគេ នឹងត្រូវបំពេញផងដែរ ។  

 នៅក្នុងសាសនាហិណ្ឌូ គោបរិសុទ្ធជាយូរមកហើយ ។ នៅក្នុងកម្ពីបុរាណ គេប្រារព្ធឡើងសម្រាប់សមត្ថភាពរបស់វាចិញ្ចឹមមនុស្ស ហើយត្រូវបានប្រដូចទៅនឹងទេវរូបព្រះគោព្រះកែវ ៕