សៀមរាប ៖ ក្រសួងសង្គមកិច្ច អតីតយុទ្ធជន និងយុវនីតិសម្បទា នៅថ្ងៃទី១៤ខែវិច្ឆិកាឆ្នាំ២០២៣នេះ បើកវគ្គបណ្តុះបណ្តាលអំពី “សិទ្ធិទទួលបានយុត្តិធម៌សម្រាប់ ជនមានពិការភាពក្នុងប្រព័ន្ធយុត្តិធម៌ » ដែលធ្វើឡើងនៅខេត្ដសៀមរា។

វគ្គបណ្ដុះបណ្ដាលនេះ មានការចូលរួមពីលោកស្រី រូ អេដា អិល ហាច (RoueidEl Hage) អ្នកតំណាង ការិយាល័យឧត្តមស្នងការអង្គការទទួលបន្ទុកសិទ្ធិមនុស្សប្រចាំកម្ពុជា និងអ្នកពាក់ព័ន្ឌជាច្រើនទៀត។

ឯកឧត្តម ឯម ច័ន្ទមករា រដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទា និងជាអគ្គលេខាធិការក្រុមប្រឹក្សាសកម្មភាពជនពិការ ថ្លែងថា 

វគ្គបណ្តុះបណ្តាលនេះ គឺជាបច្ច័យចំណេះដឹងបន្ថែមថ្មីមួយទៀត សម្រាប់ជូនអ្នកពាក់ព័ន្ធ ដូចជាព្រះរាជអាជ្ញា ព្រះរាជអាជ្ញារង និងមន្ត្រីនៃលេខាធិកាដ្ឋានសាលាដំបូងដែលមកពីខេត្តសៀមរាប ខេត្តព្រះវិហារ ខេត្តបន្ទាយមានជ័យ និងខេត្តបាត់ ដំបង ដែលជាអ្នកអនុវត្តច្បាប់នៅក្នុងព្រះរាជាណាចក្រកម្ពុជា តួអង្គ យ៉ាងសំខាន់និងមិនអាចខ្វះបាន ក្នុងការសម្រេច បាននូវស័ក្តិសិទ្ធិភាពនៃការអនុវត្តអនុសញ្ញាស្តីពីសិទ្ធិជនមានពិការភាព បទដ្ឋានសិទ្ធិមនុស្ស ជាសកល បទដ្ឋានអន្តរជាតិ និងច្បាប់ជាតិនានា ក្នុងកិច្ចគាំពារដល់ជន មានពិការភាព ដែលជាមូលដ្ឋានគ្រឹះនៃការលើកកម្ពស់ការយល់ដឹង អំពីសិទ្ធិរបស់ជនមានពិការភាពនៅកម្ពុជា។វគ្គបណ្តុះបណ្តាលដ៍មានសារៈសំខាន់នេះ ទុកថាជាការដំណើរឈានទៅដល់ការលើកកម្ពស់ការផ្តល់សេវាយុត្តិធម៌ ជនមានពិការភាព ជាពិសេសស្ត្រី និងកុមារមានពិការភាព។បន្ទាបបន្ថោក ឬការដាក់ទារុណកម្មលើជនមានពិការភាពជាដើម។

ជាមួយគ្នានេះ យើងត្រូវរួមគ្នាផ្តល់នូវសេរីភាពដល់ជនមានពិការ ភាពឱ្យចាកផុតពីការកេងប្រវ័ញ្ច អំពើហិង្សា និងការរំលោភបំពាន រួម ទាំងផ្ដល់កិច្ចការពារសុចរិតភាពនៃបុគ្គល សិទ្ធិសេរីភាពនៃការផ្លាស់ប្តូរ ទីលំនៅ សញ្ជាតិ ការរស់នៅដោយឯករាជ្យ និងការធ្វើបរិយាបន្នជន មានពិការភាពទៅក្នុងសហគមន៍ និងគ្រប់វិស័យផងដែរ។រាជរដ្ឋាភិបាលកម្ពុជា បានការពារនូវសិទ្ធិក្នុងការចល័តទីផ្ទាល់ខ្លួន របស់ជនមានពិការភាព ហើយបានផ្តល់នូវសេរីភាពនៃការបញ្ចេញមតិ យោបល់ រួមទាំងសិទ្ធិក្នុងការធ្វើជាម្ចាស់ក្នុងអចលនទ្រព្យ ឬសន្តតិកម្ម ដែលមានសិទ្ធិត្រួតពិនិត្យកិច្ចការហិរញ្ញវត្ថុផ្ទាល់ខ្លួន សិទ្ធិទទួលបានការ ចុះបញ្ជីអត្រានគោលដ្ឋាន អត្តសញ្ញាណបណ្ណ និងបណ្ណបើកបរជាដើម។

បន្ថែមលើសពីនេះ ជនមានពិការភាពកម្ពុជាក៍មានសិទ្ធិទទួល បានព័ត៌មាន សិទ្ធិទទួលការគោរពសិទ្ធិជាបុគ្គល ការគោរពលំនៅដ្ឋាន និងគ្រួសារ សិទ្ធិទទួលបានការអប់រំ សិទ្ធិទទួលការមើលថែសុខភាព និងស្តារលទ្ធភាពពលកម្ម សិទ្ធិទទួលបានការងារនិងមុខរបរ ដើម្បីមាន ជីវភាពសមរម្យ រួមទាំងកិច្ចគាំពារសង្គមដែលកំពុងត្រូវបានអនុវត្ត៕ ដោយ ៖ ឈិត សាវី