ប្រមុខ​រាជ​រដ្ឋាភិបាល​រំពឹង​ថា កម្ពុជា​នឹង​ទទួល​បាន​​ថវិកា​​ខ្ទង់​ ៤០​លាន​ដុល្លារ​ក្នុង​មួយ​ឆ្នាំ​ពី​អាជីវកម្ម​រ៉ែមាស​នៅ​តំបន់​អូរខ្វាវ

06/10/2021 07:06 PM        175

ភ្នំពេញ៖ ប្រមុខ​រាជ​រដ្ឋាភិបាល​កម្ពុជា​បាន​បញ្ជាក់​នៅ​ថ្ងៃ​នេះ​ថា កម្ពុជា​នឹង​ទទួល​បាន​ចំណូល​ប្រហែល ៤០​​លាន​ដុល្លារ​បន្ថែម​ទៀត​ក្នុង​មួយ​ឆ្នាំ​ៗ បន្ទាប់​ពី​អាជីវកម្ម​រ៉ែមាស​ជា​លើក​ដំបូង​​នៅ​កម្ពុជា ចាប់​ផ្ដើម​ដំណើរការ​នោះ។

ក្នុង​សារ​លិខិត​ផ្ញើ​ជូន​ជន​រួម​ជាតិ​នៅ​ល្ងាច​ថ្ងៃ​នេះ សម្ដេច​តេជោ​ ហ៊ុន សែន នាយករដ្ឋ​មន្ត្រី​កម្ពុជា បាន​ប្រកាស​ថា ការដ្ឋាន​អាជីវកម្ម និង​រោងចក្រ​ចម្រាញ់​រ៉ែ​មាស​មាន​លក្ខណៈ​ជា​ឧស្សាហកម្ម​ជាលើក​ដំបូង​នៅ​កម្ពុជា នឹង​ចាប់​ផ្ដើម​ដំណើរការ​ចាប់​ពី​ថ្ងៃ​ទី​២១ ខែ​មិថុនា​ខាង​មុខ​នេះ​ទៅ​ហើយ។

សម្ដេច​តេជោ ហ៊ុន សែន បញ្ជាក់​ថា រោងកច្រ​ចម្រាញ់​រ៉ែមាស​លើក​ដំបូង​នេះ ដែល​នឹង​ត្រូវ​ដាក់​ឱ្យ​ដំណើរការ​នោះ មាន​ទីតាំង​ស្ថិត​នៅ​ឯ​តំបន់​អូរខ្វាវ ស្ថិត​ក្នុង​ស្រុក​កែវសីមា នៃ​ខេត្ត​មណ្ឌលគិរី។

ប្រមុខ​រាជ​រដ្ឋាភិបាល​កម្ពុជា​រូប​នេះ បាន​បញ្ជាក់​ផង​ដែរ​ថា រោងចក្រ​ចម្រាញ់​រ៉ែមាស​នេះ ដំណើរការ​ឡើង​ដោយ​​ក្រុមហ៊ុន​រ៉ឺនេសង់ មីនើរ៉ល់ (ខេមបូឌា) លីមីធីត ដែល​ជា​ក្រុមហ៊ុន​មក​ពី​ប្រទេស​អូស្ត្រាលី បន្ទាប់​ពី​ក្រុមហ៊ុន​មួយ​នេះ បាន​សិក្សា​រុក​រក​អស់​រយៈ​ពេល ១៤​ឆ្នាំ​មក​ហើយ​នោះ។

ក្នុង​សារ​លិខិត​ដដែល​នោះ សម្ដេច​តេជោ ហ៊ុន សែន បាន​ឱ្យ​ដឹង​ទៀត​ថា រោងចក្រ​ចម្រាញ់​រ៉ែមាស​នេះ អាច​នឹង​ផលិត​មាស​សុទ្ធ​បាន​ប្រហែល ៣​តោន​ក្នុង​ឆ្នាំ​ៗ​សម្រាប់​រយៈ​ពេល ៨​ឆ្នាំ​ដំបូង ហើយ​រំពឹង​ថា នឹង​ពង្រីក​សមត្ថភាព​បន្ថែម​ទៀត។

សម្ដេច​តេជោ ហ៊ុន សែន រំពឹង​ថា កម្ពុជា​នឹង​ទទួល​បាន​ចំណូល​ជា​មធ្យម ១៨៥​លាន​ដុល្លារ​ក្នុង​មួយ​ឆ្នាំៗតាម​រយៈ​អាជីវកម្ម​រ៉ែ​មាស​មួយ​នេះ ដែល​អាច​ផ្ដល់​ចំណូល​ពន្ធ​ផ្សេងៗ​ប្រហែល ៤០​លាន​ដុល្លារ​ដល់​រាជ​រដ្ឋាភិបាល។

ក្នុង​សារ​លិខិត​ដដែល​នោះ សម្ដេច​តេជោ ហ៊ុន សែន បញ្ជាក់​ផង​ដែរ​ថា អាជីវកម្ម​រ៉ែមាស​នៅ​តំបន់​អូរខ្វាវ​នេះ នឹង​ក្លាយ​ជា​គំរូ​សម្រាប់​អាជីវកម្ម​ធន​ធាន​រ៉ែដទៃ​ទៀត​នៅ​កម្ពុជា ដើម្បី​ឱ្យ​ស្រប​តាម​គោលការណ៍​អភិវឌ្ឍន៍​ប្រកប​ដោយ​ចីរភាព៕



អត្ថបទដែលទាក់ទង

ក្រសួងទេសចរណ៍​ប្រកាស​បញ្ឈប់​ផ្តល់​អាជ្ញា​ប័ណ្ណ​ដល់​អាជីវកម្ម​ដឹកជញ្ជូន​ទេសចរណ៍​តាមផ្លូវ​គោក​និង​ផ្លូវទឹក
06/19/2021 03:06 PM        1
CamGAP បាន​កំពុង​ចូលរួម​លើកកម្ពស់​កសិផល សម្រាប់​បម្រើ​ទីផ្សារ​នាំចេញ
06/19/2021 02:06 PM        1
ក្រុមហ៊ុន GFX នឹង​ណាត់​ជួប​អតិថិជន​ចាប់ពី​ថ្ងៃទី​២១ មិថុនា​តទៅ​
06/19/2021 01:06 PM        1

បណ្ដាញសង្គម

ព័ត៌មានចុងក្រោយ

​ក្រសួងទេសចរណ៍​ប្រកាស​បញ្ឈប់​ផ្តល់​អាជ្ញា​ប័ណ្ណ​ដល់​អាជីវកម្ម​ដឹកជញ្ជូន​ទេសចរណ៍​តាមផ្លូវ​គោក​និង​ផ្លូវទឹក

06/19/2021 03:06 PM
​CamGAP បាន​កំពុង​ចូលរួម​លើកកម្ពស់​កសិផល សម្រាប់​បម្រើ​ទីផ្សារ​នាំចេញ
06/19/2021 02:06 PM
​ក្រុមហ៊ុន GFX នឹង​ណាត់​ជួប​អតិថិជន​ចាប់ពី​ថ្ងៃទី​២១ មិថុនា​តទៅ​
06/19/2021 01:06 PM
​ពលរដ្ឋ​ជាង​៦​ម៉ឺន​គ្រួសារ​ទៀត ​ដែល​មាន​បញ្ហា​ជីវភាព​នឹងត្រូវ​សម្ភាសន៍​សម្រាប់​កម្មវិធី​ជំនួយ​សង្គម​ក្រោយពេល​បិទ​ខ្ទប់
06/19/2021 12:06 PM
​ឧបនាយករដ្ឋមន្ត្រី ហោ ណាំហុង ៖ កម្ពុជា​-​បារាំង​មាន​កិច្ច​សហប្រតិបត្តិការ​ល្អ​លើ​គ្រប់​វិស័យ
06/19/2021 12:06 PM

ព័ត៌មានពេញនិយម

​ឃាត់​ខ្លួន​បុរស​ម្នាក់​ជិះ​រថយន្ត​ស្លាក​លេខ​«នគរបាល» អួត​អាង​ពី​ឥទ្ធិពល​ធ្វើ​ដំណើរ​ក្នុង​តំបន់​បិទខ្ទប់​

​រឿង​ក្មេងពាល​ ជិះឡាន​មកកាប់គេផ្អើលពេញភូមិ ​គំរាមបាញ់​ មិន​មាន​ចំណាត់ការពីអធិការ​ស្រុក​ព្រៃកប្បាស
​ចាប់​ប្រពន្ធខ្លួន ធ្វើជាចំណាប់ ​និងគំរាមសម្លាប់ខ្លួន ​ខណៈសមត្ថកិច្ចនាំទៅធ្វើចត្តាឡីស័ក
​មន្ដ្រីមន្ទីរសុខាភិបាលខេត្តបន្ទាយមានជ័យ បែកធ្លាយរូបភាពផឹកស៊ី នៅថ្ងៃចូលឆ្នាំ ក្នុងបរិវេនមន្ទីរសុខាភិបាល
​សម្តេច​ពិជ័យ​សេនា ទៀ បាញ់​ ៖ ​កងទ័ព​ចំនួន​៥​នាក់​ បាន​ឆ្លង​មេរោគ​កូ​វីដ​១៩ ​បើទោះបី​បាន​ចាក់​វ៉ាក់សាំង​រួច​ក្តី

ព័ត៌មានវីដេអូ

​ប្រមុខ​ការ​ពារជាតិ​កម្ពុជា ​អគុណ​អាមេរិក​ដែល​ជួយ​បណ្តុះបណ្តាល​ជំនាញ​យោធា​កម្ពុជា​ នាពេល​កន្លង​ទៅ

06/08/2021 12:06 PM
សម្តេចតេជោ ហ៊ុន សែន ចាត់តំណាងចុះពិនិត្យការសាងសង់ផ្ទះជូនអតីតយុទ្ធជននៅខេត្តពោធិ៍សាត់
06/05/2021 01:06 PM
ការឆ្លងកូវីដក្នុងក្រុងព្រះសីហនុថមថយបន្តិចក្នុងរយៈពេលចុងក្រោយនេះ ខណៈការចាក់វ៉ាក់សាំងកំពុងដំណើរការ
05/28/2021 02:05 PM
ការអនុវត្តវិធានសុខាភិបាលប្រឆាំងនឹងការឆ្លងជំងឺកូវីដនៅតាមរោងចក្រ នៅមានកម្រិត
05/28/2021 02:05 PM
ផ្នែកខ្លះភូមិព្រៃទា១ ក្នុងខណ្ឌពោធិ៍សែនជ័យបន្តបិទខ្ទប់ ខណៈអ្នកឆ្លងកូវីដ-១៩ មានចំនួនរាប់រយនាក់
05/28/2021 02:05 PM