​បាល់ទាត់៖ ​ក្លិប​​ស្កុ​ត​ឡេ​ន Glasgow Celtic បានប្រកាស​ពី​ការតែងតាំង​អ្នកចាត់ការ​ថ្មី​ លោក Ange Postecoglou បន្ត​តំណែង​ពី​លោក Neil Lennon​។ ​លោក Neil Lennon បាន​ចាក​ចេញពី Celtic តាំងពី​ខែកុម្ភៈ បន្ទាប់ពី​ដឹកនាំ​ក្រុម​មិន​ឈ្នះ​ជើងឯក​លី​គ​កំពូល​ស្កុ​ត​ឡេ​ន ១០រដូវ​កាល​ជាប់​គ្នា​ របូត​ជើងឯក​ទៅ​ក្រុម​គូប្រជែង Glasgow Rangers ដែល​ដឹកនាំ​ដោយ Steven Gerrard​។

​​បុរស​វ័យ ៥៥ឆ្នាំសញ្ជាតិ​ក្រិ​ក Ange Postecoglou បានមក​កាន់តំណែង​ស​នៅ​ស្កុ​ត​ឡេ​ន​នេះ ​បន្ទាប់ពី​ដឹកនាំ​ក្លិប​ជប៉ុន Yokohama F Marinos ឈ្នះ​ជើងឯក J-League នៅ​ឆ្នាំ២០១៩​។ មុន​ទៅដល់​ទឹកដី​ជប៉ុន​បុរស​សញ្ជាតិ​ក្រិ​ក​រូបនេះ​ បាន​ដឹកនាំ​ក្រុម​ជំរើសជាតិ​អូស្ត្រាលី​ឈ្នះ​ជើងឯក AFC Asian Cup នៅ​ឆ្នាំ​២០១៥​។ ​លោក​ក៏​ធ្លាប់​ដឹកនាំ​ក្លិប​ជាច្រើន​នៅ​ទឹកដី​អូស្ត្រាលី​ផងដែរ​ដូចជា Brisbane Roar ឈ្នះ​ជើងឯក​លី​គ​កំពូល​អូស្ត្រាលីនៅ​ឆ្នាំ២០១១​។ ​តាមពិតទៅ​លោក Ange Postecoglou គឺជា​ជំរើស​ទី២ ទេ​ដែល Celtic ជ្រើសរើស​ជា​អ្នកចាត់ការ ​បន្ទាប់ពី​ចរចា​មិនត្រូវ​ជាមួយ​លោក Eddie Howe ដែលជា​អតីត​អ្នកចាត់ការ AFC Bournemouth៕

​អត្ថបទ​៖​នាង សុភា​វុ​ធ