អ្នកជំនាញផ្លូវក្រោមដី លោក អាណូល ឌីក(Arnold Dix)និងអ្នកជំនាញផ្សេងទៀតនៅឯផ្លូវក្រោមដី អ៊ូតាកាស៊ី (Uttarkashi) ដែលជាកន្លែងបាក់រលំនោះ បាននិយាយនៅថ្ងៃច័ន្ទនេះថា ពួកគេនឹងជួយសង្រ្គោះ

កម្មករដែលជាប់ទាំងអស់ឲ្យបានឆាប់ដែលអាចធ្វើទៅបាន។

ក្រុមជំនាញបានធ្វើការវាស់ស្ទង់កន្លែងបាក់រលំដើម្បីប្រមូលព័ត៌មានអំពីការបាក់រលំផ្លូវក្រោមដីពីគ្រប់មុំ ហើយក្រោយមកបានពិភាក្សាគ្នានៅផ្លូវដែលអាចជួយសង្រ្គោះកម្មករដែលជាប់ខ្លួនទាំងនោះ។

លោកអាណូល ឌីក គឺជាប្រធានផ្លូវក្រោមដីអន្ដរជាតិ និងសមាគមលំហផ្លូវក្រោមដីដែលមានមូលដ្ឋាន នៅក្នុងប្រទេសអូស្រ្ដាលី ហើយនិងជាអ្នកស្ថិតនៅក្នុងចំណោមអ្នកជំនាញជាច្រើននាក់ទៀត ដែលបានពិគ្រោះយោបល់ជាមួយអ្នកយកព័ត៌មានរ៉យទ័រ។

ក្រុមអាជ្ញាធរ ពុំបាននិយាយនូវអ្វីដែលបណ្ដាលឲ្យមានហេតុការណ៍នេះកើតឡើងនៅផ្លូវក្រោមដីទៅកាន់រូងភ្នំចម្ងាយ៤,៥គីឡូម៉ែត្រនោះទេ ប៉ុន្ដែតំបន់នោះ ងាយនឹងបាក់ដី រញ្ជួយដី និងទឹកជំនន់។

កម្មករប្រមាណពី៥០ទៅ៦០នាក់ បានធ្វើការនៅវេនយប់នៅចំពេលដែលមានការបាក់រលំ ហើយអ្នកទាំងនោះ គឺស្ថិតនៅជិតច្រកចេញមកក្រៅផ្លូវក្រោមដី នៅលើផ្លូវជាតិ ដែលជាផ្នែកមួយនៃផ្លូវធម្មយាត្រាហិណ្ឌូ ឆាដាំ។