កូសូវ៉ូ ៖ កងអនុសេនាតូចអង់គ្លេសមួយ ក្រុមកំពុងដើរកាត់ផ្លូវដែលមានភក់ នៅភាគខាងជើប្រទេសកូសូវ៉ូ ដើម្បីត្រួតពិនិត្យមើលក្រែងមានអ្វីមួយខុសច្បាប់ចូលក្នុងប្រទេសនេះដោយចេញពីប្រទេសស៊ែរប៊ី បន្ទាប់ពី មានការបាញ់សម្លាប់មនុស្សកាលពី២ខែមុនមក។

តែជាង៣០គីឡូម៉ែត្រប៉ុណ្ណោះពីទីនេះ គឺមានក្រុមខ្មាន់កាំភ្លើងជនជាតិភាគតិចស៊ែរប៊ី ដែលប្រដាប់ដោយអាវុធធុនធ្ងន់ កាលពីខែកញ្ញាកន្លងទឡ ចេញពីប្រទេសស៊ែរប៊ីចូលក្នុងភូមិ បាន់ជីស្កា (Banjska) ដែលមានរថយន្ដជាង២០គ្រឿង ហើយក៏បានចាប់ផ្ដើមបាញ់កាំភ្លើងទៅកម្លាំងនគរបាលផងដែរ។

នៅពេលដែលក្រុមខ្មាន់កាំភ្លើងនោះរត់ចូលទៅប្រទេសស៊ែរប៊ីវិញ ពួកគេបានបន្សល់ទុកនូវអាវុធ និងគ្រាប់រំសេវច្រើន ក្នុងនោះរួមមាន កាំភ្លើងយន្ដ កាំភ្លើងត្បាល់ ជើងទម្ររ៉ូកែតបាញ់រថក្រោះ គ្រាប់មីនបង្កប់ក្នុងដី ហើយនិងយានដ្រូនជាច្រើនគ្រឿង។ ដោយឡែក មេបញ្ជាការម្នាក់ និងខ្មាន់កាំភ្លើង៣នាក់ ត្រូវបានសម្លាប់ក្នុងអ្វីដែលគេមើលឃើញថា ជាអំពើហិង្សាដ៏អាក្រក់បំផុតចាប់តាំងពីកូសូវ៉ូ បានប្រកាសឯករាជ្យផ្តាច់ខ្លួនចេញពីប្រទេសស៊ែរប៊ីក្នុងឆ្នាំ២០០៨មក។

ក្រុមទាហានអង់គ្លេសទាំងនេះ កំពុងល្បាតដាក់វេនគ្នារយៈពេល១៨ម៉ោង ដើម្បីធានាថា មិនមានអាវុធ ឬ បុគ្គលដែលមានអាវុធចូលក្នុងប្រទេសកូសូវ៉ូបាននោះទេ ហើត្រូវប្រមូលព័ត៌មានសម្ងាត់លើសកម្មភាពដែលសង្ស័យ៕