មន្ត្រីបាននិយាយកាលពីថ្ងៃចន្ទ ២៧ វិច្ឆិកា ថាមនុស្ស ២០ នាក់បានស្លាប់ ហើយអ្នកទោសជិត ២.០០០នាក់ បានរត់គេចខ្លួនក្នុងអំឡុងការវាយប្រហារកាលពីថ្ងៃអាទិត្យលើបន្ទាយយោធា ពន្ធនាគារ និងទីតាំងផ្សេងទៀតក្នុងប្រទេស សេរ៉ា ឡេអូន (Sierra Leone) ។

ប្រទេសអាហ្វ្រិកខាងលិចមួយនេះបានធ្លាក់ ក្នុងភាពចលាចលទាំងព្រឹកព្រលឹម នៅ​ពេល​ក្រុម​ជន​វាយ​ប្រហារ​បានបាញ់កាំរះពាសពេញរដ្ឋធានី Freetown។ រដ្ឋាភិបាលបានស្តីបន្ទោស ទាហាន​បដិវត្តន៍​ដែល​ខ្លួនបាននិយាយថាត្រូវបានបណ្តេញចេញ។

អ្នកនាំពាក្យ​កងទ័ពលោកវរសេនីយ៍ឯក អ៊ីសា បានហ្គូរ៉ា(Issa Bangura)បានប្រាប់ រ៉យទ័រថា អ្នកស្លាប់ទាំង ២០នាក់ រួមមានទាហាន១៣ នាក់ ជនវាយប្រហារ ៣ នាក់ មន្ត្រីនគរបាលម្នាក់ ជនស៊ីវិលម្នាក់ និងសន្តិសុខឯកជនម្នាក់។ លោកបានបន្តថា មនុស្ស ៨ នាក់បានរងរបួស និង ៣ នាក់​ត្រូវបានចាប់ខ្លួន។ 

យោងតាមរបាយការណ៍ស្ថានភាពដែលមន្ត្រីពន្ធនាគារបានចែករំលែកទៅកាន់សារព័ត៌មាន Reuters កាលពីថ្ងៃចន្ទថា អ្នកទោសប្រហែល១.៨៩០នាក់ បានរត់គេចខ្លួនពីពន្ធនាគារកណ្តាល Pademba Road បន្ទាប់ពីក្រុមក្មាន់កាំភ្លើងបានបើកការបាញ់ប្រហារ។ មកទល់ពេលនេះ អ្នក​ទោស ២៣នាក់ត្រូវបានចាប់ខ្លួនបានមកវិញ។

លោកវរសេនីយ៍ឯក Shek Sulaiman Massaquoi អគ្គនាយកស្តីទីនៃអង្គភាពមណ្ឌលកែប្រែ សេរ៉ាឡេអូន បាននិយាយថា នៅក្នុងការវាយឆ្មក់រយៈពេលពីរម៉ោង ក្រុមវាយ​ប្រហារ​បាន​បើក​រថយន្ត​បំបុកទ្វារធំ បន្ទាប់ពីមានការបាញ់ប្រហារហើយជើងទម្របាញ់រ៉ូកែត មិនអាចគ្រប់គ្រង​អ្នក​ទោស​បាន​៕