អន្តរជាតិ៖ កាលពីថ្ងៃអាទិត្យម្សិលមិញ នាយករដ្ឋមន្ត្រីកាណាដា លោក ចាស្ទីនឌ្រូដូ បានប្រកាសថា ប្រទេសរបស់លោក នឹងបរិច្ចាគវ៉ាក់សាំងបង្ការជំងឺ COVID-19ចំនួន ១០០លានដូស ដល់ប្រទេសក្រីក្រដើម្បីជួយបញ្ចប់ការរីករាលដាលឆ្លងសកលវីរុសដ៏កាចសាហាវមួយនេះ។
លោកនិយាយថា កាណាដាស្ថិតនៅក្នុងចំណោមប្រទេស៤ប៉ុណ្ណោះ ដែលបានឈានដល់កាតព្វកិច្ចរបស់ខ្លួននៅក្នុងគម្រោង COVAX របស់អង្គការសុខភាពពិភពលោក(WHO) សម្រាប់ការចែកចាយវ៉ាក់សាំងនៅទូទាំងពិភពលោក។
លោកទ្រូដូ បានថ្លែងបែបនេះ នៅដំណាច់កិច្ចប្រជុំប្រទេសមានសេដ្ឋកិច្ចលូតលាស់ G-7 ដែលរៀបចំឡើងនៅក្នុងទីក្រុងខនវ៉ល ចក្រភពអង់គ្លេស។
លោកទ្រូដូ បានបញ្ជាក់យ៉ាងច្បាស់ផងដែរថា ប្រទេសសមាជិក G-7 នឹងបន្តតតាំងជាមួយចិនលើវិស័យជាក់លាក់ជាច្រើន ដូចជាបញ្ហាសិទ្ធិមនុស្សជាដើម ។
ដោយឡែក សហរដ្ឋអាមេរិក បានសន្យាបរិច្ចាគវ៉ាក់សាំងបង្ការជំងឺ COVID-19ចំនួន ៥០០លានដូសដល់គម្រោង COVAX ខណៈដែលប្រទេសម្ចាស់ផ្ទះអង់គ្លេស សន្យាផ្តល់វ៉ាក់សាំងចំនួន ១០០លានដូស៕ អត្ថបទ៖ សារ៉ាត់
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
