រយៈពេលប៉ុន្មានម៉ោង មុនពេលអ៊ីស្រាអែល បាននិយាយថា ខ្លួនបានបន្តប្រតិបត្តិការប្រយុទ្ធប្រឆាំងនឹងក្រុមហាម៉ាស សហរដ្ឋអាមេរិក បានដាក់សម្ពាធលើសម្ព័ន្ធមិត្តរបស់ខ្លួនឲ្យការពារជនស៊ីវិលប៉ាឡេស្ទីន នៅក្នុងចំណាត់ការផ្នែកការទូតដ៏សំខាន់បំផុតមួយ នៅក្នុងជម្លោះជាង ៥០ថ្ងៃ។

ប្រសិនបើបទឈប់បាញ់រយៈពេល ៦ថ្ងៃ ត្រូវបានបញ្ចប់ជាអចិន្ត្រៃយ៍ សំណួរនៅពេលនេះ គឺថាតើរដ្ឋាភិ   បាលរបស់លោកនាយករដ្ឋមន្ត្រី បេនចាមីន ណេតានីយ៉ាហ៊ូ (Benjamin Netanyahu) ត្រៀមស្តាប់ដែរឬទេ?

រដ្ឋមន្ត្រីការបរទេស លោក អង់តូនី ប្ល៊ីនខិន ( Antony Blinken) បានដាក់ចេញនូវតម្រូវការរបស់អាមេរិកនៅក្នុងកិច្ចពិភាក្សាឯកជននៅទីក្រុងហ្ស៊េរុយសាឡិម ( Jerusalem) ជាមួយលោកណេតានីយ៉ាហ៊ូ និង  គណៈរដ្ឋមន្ត្រីសង្គ្រាមរបស់ខ្លួន។ រឿងសំខាន់ជាងនេះទៅទៀតនោះ លោកប្ល៊ីនខិន បានធ្វើឲ្យវិធីសាស្រ្តរដ្ឋបាលលោកបៃដិន កាន់តែច្បាស់លាស់ជាភាសាដែលមិនអាចមានកំហុសបាន នៅទីសាធារណៈ។

លោកប្ល៊ីនខិន បាននិយាយនៅក្នុងសន្និសីទសារព័ត៌មានតាមទូរទស្សន៍នៅទីក្រុង Tel Avivថា៖ «ខ្ញុំបាន បញ្ជាក់ពីភាពចាំបាច់របស់សហរដ្ឋអាមេរិកដែលថា ការបាត់បង់ជីវិតជនស៊ីវិល និងការផ្លាស់ទីលំនៅដ៏ធំដែលយើងបានឃើញ នៅតំបន់ហ្កាហ្សាភាគខាងជើង មិនត្រូវកើតឡើងម្តងទៀត នៅភាគខាងត្បូងទេ»។