ទីភ្នាក់ងារគ្រោះមហន្តរាយរបស់ប្រទេសឥណ្ឌូណេស៊ី BNPB បាននិយាយថា មនុស្សម្នាក់​បាន​ស្លាប់ និង១១នាក់កំពុងបាត់ខ្លួន បន្ទាប់ពីទឹកជំនន់ដ៏គំហុកបានវាយប្រហារនៅជិតបឹង Toba ក្នុង​ខេត្តស៊ូម៉ាត្រា ខាងជើងរបស់ប្រទេសឥណ្ឌូនេស៊ី ស្រប​ពេល​មាន​មនុស្សជា​ច្រើន​នាក់​ត្រូវ​បាន​ជម្លៀស​ចេញ ហើយកិច្ចខិតខំប្រឹងប្រែងជួយសង្គ្រោះកំពុងដំណើរការ។  

ទីភ្នាក់ងារគ្រោះមហន្តរាយ ខាងលើបាន​និយាយ​នៅ​ក្នុង​សេចក្តី​ថ្លែងការណ៍​មួយ​កាល​ពី​ល្ងាច​ថ្ងៃ​សៅរ៍​ ថ្ងៃទី ២ខែធ្នូ ថា ភ្លៀងធ្លាក់ខ្លាំង បង្កជាទឹកជំនន់យ៉ាងគំហុកកាលពីល្ងាចថ្ងៃសុក្រ ទី១ ធ្នូ បាន​វាយប្រហារតំបន់ស្ថិតនៅច្រាំងសមុទ្រមួយនេះ ដោយ​បាន​បំផ្លិច​បំផ្លាញ​ផ្ទះ​សម្បែង​ប្រជាពលរដ្ឋ​រាប់​សិបខ្នង ព្រះវិហារ សាលារៀន និងសណ្ឋាគារមួយ ។

ទីភ្នាក់ងារនេះ​បាននិយាយថា មនុស្សប្រហែល ៣៥០ នាក់ដែលប្រើប្រាស់​ឧបករណ៍​ធុនធ្ងន់​កំពុង​អនុវត្ត​កិច្ច​ខិតខំប្រឹងប្រែងស្វែងរក និងជួយសង្គ្រោះ ខណៈមនុស្សប្រហែល២០០ នាក់ត្រូវ​បាន​ជម្លៀស​ចេញ។

គួររម្លឹកថា បឹង Toba ដែលជាបឹងភ្នំភ្លើងដ៏ធំបំផុតរបស់ពិភពលោក គឺជាតំបន់​ទេសចរ​ណ៍​ដ៏​ពេញ​និយមសម្រាប់​ប្រជាជនឥណ្ឌូនេស៊ី និងភ្ញៀវទេសចរអន្តរជាតិ៕