ក្រុមសិទ្ធិមនុស្សរបស់អង្គការសហប្រជាជាតិ បានទម្លាយភាពស្ងៀមស្ងាត់របស់ខ្លួនចំពោះការចោទប្រកាន់ពីបទឧក្រិដ្ឋកម្មផ្លូវភេទ ដែលធ្វើឡើងដោយក្រុមហាម៉ាស ហើយបានថ្កោលទោសការវាយប្រហារកាលពីថ្ងៃទី ៧ ខែតុលាជិតពីរខែ បន្ទាប់ពីពួកគេ បានធ្វើឡើង។
រយៈពេល ៥៧ថ្ងៃ បន្ទាប់ពីការវាយប្រហារនេះ ទីភ្នាក់ងារស្ត្រីរបស់UN បាននិយាយកាលពីម្សិលមិញថា៖«យើងថ្កោលទោសយ៉ាងដាច់អហង្ការចំពោះការវាយប្រហារដ៏ឃោរឃៅដោយក្រុមហាម៉ាសលើអ៊ីស្រាអែលកាលពីថ្ងៃទី៧ ខែតុលា។
សេចក្តីថ្លែងការណ៍នោះ បានឲ្យដឹងថា៖«យើងមានការភ្ញាក់ផ្អើលចំពោះករណីជាច្រើននៃអំពើឃោរឃៅផ្អែកលើភេទ និងអំពើហិង្សាផ្លូវភេទក្នុងអំឡុងពេលនៃការវាយប្រហារទាំងនោះ» ដោយបន្ថែមថា អង្គការនេះ បានអំពាវនាវឲ្យគ្រប់រឿងនៃអំពើហិង្សាផ្អែកលើភេទ ត្រូវបានស៊ើបអង្កេត និងកាត់ទោស។
មន្ត្រីអ៊ីស្រាអែល បានចោទប្រកាន់អង្គការពិភពលោកនេះជាច្រើនដង រួមទាំងអង្គការសហប្រជាជាតិ និងអង្គការសុខភាពពិភពលោកថា មិនបានធ្វើគ្រប់គ្រាន់ ដើម្បីថ្កោលទោសក្រុមហាម៉ាសចំពោះការវាយប្រហារដ៏ឃោរឃៅរបស់ខ្លួនទេ។
អាជ្ញាធរអ៊ីស្រាអែល បានជំរុញឲ្យអង្គការទាំងនោះចេញការស្តីបន្ទោសកាន់តែខ្លាំង ដោយនិយាយថា ភ័ស្តុតាងគ្រប់គ្រាន់នៃឧក្រិដ្ឋកម្មដែលធ្វើឡើង ដោយក្រុមភេរវករហាម៉ាសរួមទាំងអំពើហិង្សាផ្លូវភេទត្រូវបានផ្តល់ឲ្យផងដែរ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
