ភ្នំពេញ៖ ក្រសួងការពារជាតិអះអាងថា ប្រជាពលរដ្ឋនៅរាជធានីភ្នំពេញដល់ទៅជាង ១លាននាក់ហើយ បានទទួលការចាក់វ៉ាក់សាំងបង្ការជំងឺកូវីដ-១៩នៅក្នុងយុទ្ធនាការរយៈពេល ៤៦ថ្ងៃកន្លងមកនេះ។
ក្រសួងការពារជាតិបានឱ្យដឹងបែបនេះនៅក្នុងរបាយការណ៍ប្រចាំថ្ងៃរបស់អនុគណៈកម្មការចំពោះកិច្ចការចាក់វ៉ាក់សាំងបង្ការជំងឺកូវីដ-១៩ ដែលស្ថិតក្រោមការដឹកនាំរបស់ក្រសួងមួយនេះ។
បើតាមរបាយការណ៍ដដែលនេះ ពលរដ្ឋជាង ៩១ម៉ឺននាក់ហើយ បានទទួលការចាក់វ៉ាក់សាំងទាំងពីរដូសរួចរាល់ហើយនៅអំឡុងពេលនេះ។
ក្រសួងការពារជាតិ បានឱ្យដឹងផងដែរថា ក្រសួងបានផ្ដល់វ៉ាក់សាំងដល់ប្រជាពលរដ្ឋសរុបដល់ទៅជាង ១លាន ៣២ម៉ឺននាក់ហើយនៅទូទាំងប្រទេស ក្នុងនោះពលរដ្ឋជាង ១លាន ២០ម៉ឺននាក់ហើយ បានទទួលការចាក់វ៉ាក់សាំងទាំងពីរដូសរួចរាល់ហើយនៅក្នុងការអនុវត្តយុទ្ធនាការចាក់វ៉ាក់សាំងទូទាំងប្រទេសកន្លងមកនេះ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
