ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ នៅព្រឹកថ្ងៃទី៨ ខែធ្នូ ឆ្នាំ២០២៣នេះ បានចូលរួមបើកកម្មវិធីពិព័រណ៍ការងារក្នុងវិស័យកសិកម្ម នៅសាកលវិទ្យាល័យភូមិន្ទកសិកម្ម។

កម្មវិធីពិព័រណ៍ការងារក្នុងវិស័យកសិកម្មនេះ រៀបចំឡើងក្នុងគោលបំណង ដើម្បីផ្សារភ្ជាប់គម្លាត រវាងឧត្តមសិក្សា និងវិស័យឯកជន ដោយផ្តល់នូវវេទិកាមួយសម្រាប់និស្សិត អ្នកអប់រំ និងអ្នកជំនាញក្នុងវិស័យកសិកម្ម និងឧស្សាហកម្ម ភ្ជាប់ទំនាក់ទំនង ផ្លាស់ប្តូរគំនិត និងស្វែងរកឱកាសនៅក្នុងវិស័យអប់រំកសិកម្ម។