វីដេអូ បានបែកធ្លាយនៃការប៉ះទង្គិចគ្នានៅអគារសភាប្រចាំតំបន់របស់ប្រទេសម៉ិកស៊ិក ខណៈអ្នកគាំទ្រគណបក្សកាន់អំណាច បានព្យាយាមរំខានដល់ការងាររបស់សភា។

ឧបទ្ទវហេតុ ដែលបានកើតឡើង ចាប់ផ្តើម នៅពេលដែលអ្នកគាំទ្រគណបក្សនយោបាយ មូវីមៀនតូ ស៊ីអ៊ូដាដាណូ(Movimiento Ciudadano) បានបង្ខំឲ្យពួកគេទៅកាន់ជាន់អគារសភាប្រចាំតំបន់ នូអ៊ីវ៉ូ លីអុង(Nuevo Leon) ដើម្បីរារាំងសម័យប្រជុំមិនឲ្យបន្តទៅមុខ។

សារធាតុដូចជាផ្សែងធូលី ត្រូវបានប្រើប្រាស់ដើម្បីបំបែកហ្វូងមនុស្ស ខណៈសកម្មជនបានបដិសេធមិនចាកចេញ និងចោមរោមសមាជិកសភា។

គណបក្ស Movimiento Ciudadano ឬចលនាពលរដ្ឋ គឺជាគណបក្សរបស់អភិបាលរដ្ឋ ប៉ុន្តែគណបក្សប្រឆាំងគ្រប់គ្រងសភា។

គោលបំណងនៃសម័យប្រជុំ គឺដើម្បីតែងតាំងអភិបាលតំបន់ Nuevo Leon បណ្តោះអាសន្ន ជំនួសលោក Samuel Garcia ដែលបានចាកចេញពីតំណែងដើម្បីឈរឈ្មោះជាមួយគណបក្សប្រឆាំង នៅក្នុងការបោះឆ្នោតប្រធានាធិបតីឆ្នាំ ២០២៤ ។