រឿងក្តីដ៏សំខាន់បំផុតមួយរបស់ទីក្រុងហុងកុង ដែលនឹងត្រូវកាត់ទោសក្រោមច្បាប់សន្តិសុខជាតិ នឹងចាប់ផ្តើមនៅថ្ងៃចន្ទ (ទី១៨ ខែធ្នូ) សម្រាប់អតីតមហាសេដ្ឋីប្រព័ន្ធផ្សព្វផ្សាយ និងជាអ្នកប្រជាធិបតេយ្យ លោក Jimmy Lai។

បុរសវ័យ ៧៦ឆ្នាំ រូបនេះ ប្រឈមមុខនឹងការចោទប្រកាន់ចំនួន ៣ករណី ក្រោមច្បាប់សន្តិសុខជាតិដ៏ទូលំទូលាយរបស់ទីក្រុងនេះ ក្នុងនោះរួមទាំងការឃុបឃិតជាមួយកងកម្លាំងបរទេស ហើយប្រឈមនឹងការជាប់ពន្ធនាគារអស់មួយជីវិត។ លោកក៏ប្រឈមនឹងការចោទប្រកាន់ ក្រោមច្បាប់បះបោរសម័យអាណានិគមអង់គ្លេសផងដែរ។

ការកាត់ក្តីនេះ កើតឡើង នៅពេលដែលទីក្រុងនេះ រៀបចំដើម្បីអនុម័តជុំថ្មីនៃច្បាប់សន្តិសុខជាតិ នៅឆ្នាំក្រោយ ដែលនឹងរឹតបន្តឹងដល់ការគ្រប់គ្រងសន្តិសុខរបស់ប្រទេសចិនបន្ថែមទៀត ដោយច្បាប់ ដើម្បីប្រឆាំងនឹងចារកម្ម និងការទំនាក់ទំនងជាមួយអង្គភាពបរទេស។

លោក Lai បានបង្កើតសារព័ត៌មានគាំទ្រលទ្ធិប្រជាធិបតេយ្យ Apple Daily ដែលបច្ចុប្បន្នលែងដំណើរការ ហើយ និងជាអ្នករិះគន់ក្រុងហុងកុងដ៏លេចធ្លោបំផុត ជុំវិញការដឹកនាំរបស់បក្សកុម្មុយនីស្តចិន ក្នុងនោះរួមទាំងប្រធានាធិបតី លោក Xi Jinping ផងដែរ។ លោកកំពុងអនុវត្តការជាប់ទោស ៥ឆ្នាំ និង៩ខែរួចហើយពីបទក្លែងបន្លំ ពាក់ព័ន្ធនឹងការរំលោភកិច្ចសន្យាជួលស្នាក់ការរបស់សារព័ត៌មាន Apple Daily។ តែលោក Lai បានអះអាងពីភាពគ្មានទោសពៃរ៍ចំពោះការចោទប្រកា