ព្រៃវែង ÷ ឧកញ៉ា តែ តាំងប៉ ប្រធានក្រុមប្រឹក្សាភិបាល នៃសម្ព័ន្ធសមាគមសហគ្រាសធុនតូច និងមធ្យមកម្ពុជា(FASMEC) បានដឹកនាំ និងរៀបចំកម្មវិធីសិក្ខាសាលាស្ដីពី “ការអភិវឌ្ឍន៍អាជីវកម្មក្រោយបរិបទកូវីដ-១៩” ជូនសមាជិក សមាជិកា របស់ FASMEC ខេត្តព្រៃវែង​ នៅថ្ងៃសុក្រ​ ទី១៥ខែធ្នូ ឆ្នាំ២០២៣ ។

កម្មវិធីបើកនូវសិក្ខាសិលានេះគឺបានប្រព្រឹត្តិទៅក្រោមអធិបតីភាពដ៏ខ្ពង់ខ្ពស់របស់ ឯកឧត្តម ឈាង​ សុវណ្ណារ៉ា​ អភិបាលរង នៃគណៈអភិបាលខេត្តព្រៃវែង​ តំណាងដ៏ខ្ពង់ខ្ពស់របស់ ឯកឧត្តម​ សួន​ សុម៉ាលីនអភិបាល នៃគណៈអភិបាលខេត្តព្រៃវែង និងបិទកម្មវិធីក្រោមអធិបតីភាពដោយ លោក វ៉ាន់​ សុភាព​ ប្រធានមន្ទីរឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ តំណាងខ្ពង់ខ្ពង់របស់ឯកឧត្តម ហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្រ្ត បច្ចេកវិទ្យានិងនវានុវត្តន៍ ព្រមទាំងដៃគូសហការឧបត្ថម្ភនានាមានដូចជា សហគ្រិនខ្មែរ ក្រុមហ៊ុនវៀតធេល​ (ខេមបូឌា)​ ធនាគារ​ កសិកន សមាគមមូលនិធិសម្តេចតេជោ ដើម្បីអភិឌ្ឍន៍សហគ្រាសធុនតូច និងមធ្យមនៅកម្ពុជា និងដៃគូសហការផ្សេងៗទៀត និងមានSMEចូលរួមចំនួន ២៥៦នាក់។

គោលបំណងនៃកម្មវិធីសិក្ខាសាលានេះ គឺដើម្បីផ្តល់ចំណេះដឹងនិងអត្ថប្រយោជន៍ដល់សហគ្រាសធុនតូច និងមធ្យមទូទាំងប្រទេសកម្ពុជា បានដឹងពីព័ត៍មានទាក់ទងនឹងច្បាប់បញ្ញាតិនានា ពត៍មានទាក់ទងនិងធនាគាដៃគូនិងក្រុមហ៊ុនដៃគូរ។