អ្នកនាំពាក្យប្រមុខយោធារបស់អ៊ីស្រាអែល កាលពីថ្ងៃសុក្រ បានអំពាវនាវឱ្យសហគមន៍អន្តរជាតិអនុវត្តការទាមទាររបស់អង្គការសហប្រជាជាតិ ឱ្យមានការដោះលែងចំណាប់ថ្នូរដោយគ្មានលក្ខខណ្ឌ ដែលក្រុមហាម៉ាស់នៅតែឃុំខ្លួនពួកគេ។ នៅថ្ងៃមុននេះ ក្រុមប្រឹក្សាសន្តិសុខអង្គការសហប្រជាជាតិ បានអនុម័តសេចក្តីសម្រេច ដើម្បីបង្កើនជំនួយមនុស្សធម៌ទៅដល់តំបន់ហ្កាហ្សា ដែលបានបញ្ឈប់ការអំពាវនាវភ្លាមៗឱ្យមានបទឈប់បាញ់ បន្ទាប់ពីមួយសប្តាហ៍នៃការពន្យារពេលការបោះឆ្នោត និងការចរចាយ៉ាងតឹងតែង ដើម្បីបញ្ចៀសការប្រើសិទ្ធិវ៉េតូរបស់សហរដ្ឋអាមេរិក។
អ្នកនាំពាក្យកងទ័ព លោក Daniel Hagari បាននិយាយនៅក្នុងសេចក្តីថ្លែងការណ៍តាមទូរទស្សន៍ថា យើងអំពាវនាវឱ្យសហគមន៍អន្តរជាតិ និងអង្គការអន្តរជាតិ អនុវត្តសេចក្តីសម្រេចនេះ។ ក្នុងពេលមានការខឹងសម្បារជាសកលជុំវិញការកើនឡើងចំនួនអ្នកស្លាប់នៅតំបន់ហ្កាហ្សាក្នុងសង្គ្រាមរយៈពេល ១១ សប្តាហ៍រវាងអ៊ីស្រាអែល និងក្រុមហាម៉ាស់ និងវិបត្តិមនុស្សធម៌ដែលកាន់តែអាក្រក់នៅក្នុងតំបន់ហ៊ុមព័ទ្ធប៉ាឡេស្ទីន សហរដ្ឋអាមេរិកបានអនុប្បវាទ ក្នុងការអនុញ្ញាតឱ្យក្រុមប្រឹក្សាដែលមានសមាជិក ១៥ រូប អនុម័តសេចក្តីសម្រេច ដែលពង្រៀងដោយប្រទេសអារ៉ាប់រួម។ បន្ទាប់ពីការចរចាកម្រិតខ្ពស់ ដើម្បីយកឈ្នះលើទីក្រុងវ៉ាស៊ីនតោន សេចក្តីសម្រេចនេះ លែងកាត់បន្ថយចំពោះការគ្រប់គ្រងរបស់អ៊ីស្រាអែល លើការផ្តល់ជំនួយទាំងអស់ដល់ប្រជាជន ២,៣ លាននាក់នៅក្នុងតំបន់ហ្កាហ្សា។ អ៊ីស្រាអែល ឃ្លាំមើលការដឹកជញ្ចូនជំនួយដែលបានកំណត់ចូលទៅកាន់តំបន់ហ្កាហ្សា តាមរយៈច្រកព្រំដែន Rafah ពីប្រទេសអេហ្ស៊ីប និងច្រកទ្វារនៅតំបន់ Kerem Shalom ដែលគ្រប់គ្រងដោយអ៊ីស្រាអែល។ អាជ្ញាធរសុខាភិបាលតំបន់ហ្កាហ្សានិយាយថា ប្រជាជនប៉ាឡេស្ទីន ២០.០៥៧នាក់បានស្លាប់ និង ៥៣.៣២០ នាក់បានរងរបួសចាប់តាំងពីថ្ងៃទី ៧ ខែតុលា។ ប្រជាជន៨៥ភាគរយ នៅតំបន់ហ្កាហ្សា ត្រូវបានឲ្យជម្លៀសខ្លួនចេញពីលំនៅឋានរបស់ពួកគេ ហើយមន្ត្រីអង្គការសហប្រជាជាតិ បានព្រមានអំពីមហន្តរាយមនុស្សធម៌។ កម្មវិធីស្បៀងអាហារពិភពលោក និយាយថា ពាក់កណ្តាលនៃចំនួនប្រជាជននៅតំបន់ហ្កាហ្សា កំពុងស្រេកឃ្លាន ហើយមានតែស្បៀងអាហារ ១០ភាគរយប៉ុណ្ណោះដែលត្រូវការ បានចូលទៅដល់តំបន់ហ្កាហ្សាចាប់តាំងពីថ្ងៃទី ៧ ខែតុលា៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
