សារព័ត៌មាន Nikkei បានរាយការណ៍នៅថ្ងៃសុក្រនេះថា ប្រទេសជប៉ុន មានផែនការទទួលយកក្រុមផ្តល់ជំនួយសង្គ្រោះតែពីសហរដ្ឋអាមេរិក ប៉ុន្តែមិនមានជំនួយពីរដ្ឋាភិបាលផ្សេងទៀតនោះទេ រយៈពេលបួនថ្ងៃបន្ទាប់ពីការរញ្ជួយដី បណ្តាលឲ្យមនុស្សចំនួន៩១នាក់ស្លាប់ និងបង្ខំឱ្យមានការជម្លៀសប្រជាជនរាប់ពាន់នាក់នៅក្នុងឧបទ្វីប ណូតូ(Noto)។ ការរាយការណ៍របស់សារព័ត៌មាន Nikkei បាននិយាយថា សហរដ្ឋអាមេរិក និងជប៉ុន កំពុងពិភាក្សាអំពីរបៀប និងពេលវេលា ដែលសហរដ្ឋអាមេរិក នឹងបញ្ជូនកងទ័ពទៅកាន់ឧបទ្វីប Noto ។ អ្នកនាំពាក្យជាន់ខ្ពស់របស់ប្រទេសជប៉ុន លោក Yoshimasa Hayashi បាននិយាយនៅថ្ងៃសុក្រនេះថា យើងមិនទទួលយកបុគ្គលិក ឬជំនួយសម្ភារៈណាមួយនៅពេលនេះទេ ដែលត្រូវបានផ្តល់ឲ្យនូវស្ថានភាពនៅលើមូលដ្ឋាន និងការខិតខំប្រឹងប្រែង ដែលនឹងត្រូវការដើម្បីទទួលយក។

នាយករដ្ឋមន្ត្រីជប៉ុន លោក Fumio Kishida បាននិយាយថា មានការផ្តល់ជំនួយ និងសាររំលែកទុក្ខពីរដ្ឋាភិបាលនានា រួមមានកោះតៃវ៉ាន់ និងប្រទេសចិនផងដែរ។

មនុស្សជាង ២០០នាក់ នៅតែបាត់ខ្លួននៅឡើយ ដែលគ្រោះមហន្តរាយនេះ ទំនងជាមានមនុស្សស្លាប់ច្រើនបំផុត ចាប់តាំងពីឆ្នាំ២០១៦មក ហើយអាចធ្ងន់ធ្ងរបំផុតចាប់តាំងពីការរញ្ជួយដីដ៏ធំ និងរលកយក្សស៊ូណាមិ បានវាយប្រហារឆ្នេរសមុទ្រភាគខាងកើតរបស់ប្រទេសជប៉ុនកាលពីឆ្នាំ ២០១១ ។

អ្នកនាំពាក្យក្រសួងការពារជាតិជប៉ុន បានប្រាប់សារព័ត៌មានរ៉យទ័រ នៅថ្ងៃសុក្រនេះថា យើងអាចទទួល ជំនួយនៅពេលខាងមុខ ប៉ុន្តែពុំទាន់មានអ្វីត្រូវបានសម្រេចនៅពេលនេះទេ។ យោងតាមក្រុមប្រឹក្សា ទីក្រុង Chicago ទទួលបន្ទុកកិច្ចការសកលបានឲ្យដឹងថា កងកម្លាំងសហរដ្ឋអាមេរិកមានបុគ្គលិកប្រហែល ៥៤.000នាក់នៅក្នុងប្រទេសជប៉ុន ដែលបានធ្វើឱ្យប្រទេសនេះ ក្លាយជាម្ចាស់ផ្ទះនៃវត្តមានយោធាដ៏ច្រើនបំផុតរបស់សហរដ្ឋអាមេរិកនៅបរទេស។