ភ្នំពេញ ៖ រាជរដ្ឋាភិបាលកម្ពុជា នៅក្នុងឆ្នាំ ២០២៤ នេះ កែប្រែតម្លៃឯកតានៃសន្ទស្សន៍បៀវត្សមូលដ្ឋានរបស់មន្រ្តីរាជការពី ២៥០០ រៀល ឡើងដល់ប្រមាណ ២៦៣០ រៀល កើនឡើង ៥ ភាគរយ បើធៀបទៅនឹងតម្លៃសន្ទស្សន៍បៀវត្សមូលដ្ឋានឆ្នាំ ២០២៣។

​រាជរដ្ឋាភិបាលកម្ពុជា ចេញអនុក្រឹត្យ ស្តីពីការកែប្រែតម្លៃឯកតានៃសន្ទស្សន៍បៀវត្សមូលដ្ឋានរបស់មន្រ្តីរាជការ នៃព្រះរាជាណា ចក្រកម្ពុជានៅឆ្នាំ ២០២៤ នេះ គឺមានគោលដៅកំណត់ការដំឡើងតម្លៃឯកតានៃសន្ទស្សន៍បៀវត្សមូលដ្ឋាន ដែលការកែប្រែតម្លៃឯកតា នៃសន្ទស្សន៍បៀវត្សមូលដ្ឋាននេះ ចំនួន ២៦៣០ រៀល កើនឡើងប្រមាណ ៥ ភាគរយ ខណៈនៅក្នុងឆ្នាំ ២០២៣ រាជរដ្ឋាភិបាលបាន ដំឡើងតម្លៃសន្ទស្សន៍បៀវត្សមូលដ្ឋាននេះត្រឹម ២៥០០ រៀលប៉ុណ្ណោះ។

ទាក់ទិននិងការការប្រែតម្លៃឯកតានៃសន្ទស្សន៍បៀវត្សមូលដ្ឋានរបស់មន្រ្តីរាជការនេះ រាជរដ្ឋាភិបាល នឹងចាប់ផ្តើមដាក់ឲ្យអនុវត្ត ចាប់ពី ថ្ងៃទី ១ ខែ មករា ឆ្នាំ ២០២៤ នេះតទៅ។

សូមបញ្ជាក់ថា ចំពោះការគិតបៀវត្សមូលដ្ឋាននៃមន្រ្តីរាជការនេះ រារដ្ឋាភិបាលបានបែងចែកទៅតាមប្រភេទ ឋានន្តរស័ក្កិ និងថ្នាក់ កំណត់ទៅតាមកម្រិតនៃសន្ទស្សន៍ដូចជា៖ ថ្នាក់ក្នុងឋានន្តរស័ក្តិនៃក្របខណ្ឌ ក, ខ, និង គ ដែលបានកំណត់ឲ្យមានសន្ទស្សន៍ បញ្ជាក់ អំពីកម្រិតលាភការ ដែលជាបៀវត្សមូលដ្ឋានរបស់មន្រ្តីរាជការស៊ីវិល។ ដើម្បីគណនារកប្រាក់ខែគោលនេះ គឺត្រូវយកថ្នាក់ក្នុង ឋានន្តរស័ក្តិនៃក្របខណ្ឌ ក, ខ, និង គ ដែលបានកំណត់ឲ្យមានសន្ទស្សន៍បញ្ជាក់អំពីកម្រិតលាភការ ដោយក្រសួងសាធារណៈ ទៅគុណតម្លៃឯកតានៃសន្ទស្សន៍បៀវត្សមូលដ្ឋានរបស់មន្រ្តីរាជការ ប្រមាណ ២៦៣០ រៀល នឹងឃើញប្រាក់គោលរបស់មន្រ្តីរាជការ សរុប ក្នុងមួយម្នាក់ៗ ក្នុងឆ្នាំ ២០២៤នេះ៕ អត្ថបទ៖ សុន រ៉ាឌី