លីបង់ ៖ លោក Chen Amit បានបដិសេធមិនវិលត្រឡប់ទៅកាន់សហគមន៍Kibbutz ដែលបោះបង់ចោលរបស់ខ្លួន នៅជិតព្រំដែនភាគខាងជើងដ៏តានតឹងរបស់អ៊ីស្រាអែល ជាមួយប្រទេសលីបង់ ព្រោះខ្លាចថា ក្រុមសកម្មប្រយុទ្ធហេបូឡា នឹងរំលោភព្រំដែន និងចាប់ជាចំណាប់ថ្នូរ។

អំពើហិង្សា បានកើនឡើងនៅភាគខាងជើងជិតបីខែហើយ ចាប់តាំងពីសង្គ្រាមផ្ទុះឡើងរវាងអ៊ីស្រាអែល និងក្រុមហាម៉ាសកាលពីថ្ងៃទី៧ ខែតុលា ដោយកងទ័ពអ៊ីស្រាអែល បានបាញ់គ្នាឆ្លងព្រំដែនជាទៀងទាត់ជាមួយក្រុមហេសបូឡា ដែលជាសម្ព័ន្ធមិត្តលីបង់នៃក្រុមសកម្មប្រយុទ្ធប៉ាឡេស្ទីនដែលគាំទ្រដោយអ៊ីរ៉ង់។

លោក Amit ក្នុងចំណោមអ្នកស្រុករាប់រយនាក់ដែលត្រូវបានជម្លៀសចេញពីសហគមន៍ kibbutz នៃ តំបន់ Dafna នៅតែមានការព្រួយបារម្ភថា ក្រុមសកម្មប្រយុទ្ធហេសបូឡា មានគម្រោងឆ្លងចូលទៅក្នុងប្រទេសអ៊ីស្រាអែល។

ការភ័យខ្លាច បានកើនឡើង ដោយការវាយប្រហារកាលពីថ្ងៃអង្គារ ដែលបានសម្លាប់មេដឹកនាំ   រងរបស់ហាម៉ាសលោក Saleh al-Aruri នៅក្នុងបន្ទាយហេសបូឡានៃទីក្រុងបេរូតភាគខាងត្បូង។