ទីភ្នាក់ងារសារព័ត៌មានរដ្ឋ KNCA បានរាយការណ៍នៅថ្ងៃចន្ទ (១៥ មករា) នេះថា ប្រទេសកូរ៉េខាងជើង កាលពីថ្ងៃអាទិត្យ បានសាកល្បងមីស៊ីលល្បឿនលឿនជាងសំឡេងដើរដោយឥន្ធនៈរឹងថ្មីមួយដែលមានរយៈចម្ងាយមធ្យម ដោយបន្ថែមថា វាមិនបង្កការគំរាមកំហែងសន្តិសុខដល់ប្រទេសជិតខាងនោះទេ។
យោងតាមទីភ្នាក់ងារសារព័ត៌មាន KCNA បានឱ្យដឹងថា ការបាញ់បង្ហោះនេះគឺមានគោលបំណងសាកល្បងភាពជឿជាក់ នៃម៉ាស៊ីនឥន្ធនៈរឹងច្រើនដំណាក់កាលថ្មី និងក្បាលគ្រាប់ដែលគ្រប់គ្រងដោយល្បឿនលឿនជាងសំឡេងកម្រិតមធ្យម។
សារព័ត៌មាន KCNA រាយការណ៍ថា ការសាកល្បងនេះបានកើតឡើងនៅថ្ងៃតែមួយដែលគណៈប្រតិភូដឹកនាំដោយរដ្ឋមន្ត្រីការបរទេស លោកស្រី ឆូ ស៊ុនហួយ (Choe Son Hui) ដែលធ្វើដំណើរទៅកាន់ប្រទេសរុស្ស៊ី បានចាកចេញពីទីក្រុងព្យុងយ៉ាង។
ការបាញ់មីស៊ីល និងដំណើរទស្សនកិច្ចទៅកាន់រុស្ស៊ីនេះ បានកើតឡើងស្របពេលមានភាពតានតឹងកាន់តែខ្លាំងឡើងរវាងកូរ៉េទាំងពីរ បន្ទាប់ពីការបាញ់បង្ហោះមីស៊ីលបាលិស្ទិកអន្តរទ្វីបជាបន្តបន្ទាប់របស់ទីក្រុងព្យុងយ៉ាង និងផ្កាយរណបចារកម្មយោធាដំបូងរបស់ខ្លួន ក៏ដូចជាការពង្រឹងទំនាក់ទំនងកាន់តែស៊ីជម្រៅរវាងទីក្រុងព្យុងយ៉ាង និងទីក្រុងមូស្គូ ដែលបានធ្វើឱ្យទីក្រុងវ៉ាស៊ីនតោន និងសម្ព័ន្ធមិត្តមានការព្រួយបារម្ភយ៉ាងខ្លាំង៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
