ពោធិ៍សាត់ ៖ ឯកឧត្តម កែវ រតនៈ សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារគណបក្សប្រជាជនកម្ពុជា ចុះមូលដ្ឋានខេត្តពោធិ៍សាត់ នារសៀលថ្ងៃទី១៥ ខែមករា ឆ្នាំ២០២៤ បានអញ្ជើញជាអធិបតីភាពក្នុងពិធីប្រកាសសេចក្តីសម្រេចស្តីពីការចាត់តាំងសមាសភាពក្រុមការងារគណបក្សប្រជាជនកម្ពុជា ចុះមូលដ្ឋានស្រុកវាលវែង ខេត្តពោធិ៍សាត់ ពិធីនេះរៀបចំធ្វើឡើងនៅទីស្នាក់ការគណបក្សប្រជាជនកម្ពុជាស្រុកវាលវែង ស្ថិតក្នុងឃុំប្រម៉ោយ ដោយមានក្រុមការងារគណបក្សប្រជាជនកម្ពុជាចូលរួមប្រមាណ២០០នាក់។

មានប្រសាសន៍សំណេះសំណាល និងផ្តល់អនុសាសន៍ក្នុងពិធីនោះ ឯកឧត្តម កែវ រតនៈ បានពាំនាំនូវពាក្យថ្លែងអំណរគុណរបស់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា ដល់ក្រុមការងារគណបក្សប្រជាជនកម្ពុជាចុះមូលដ្ឋានស្រុកវាលវែងគ្រប់លំដាប់ថ្នាក់ ទាំងនៅមូលដ្ឋាន និងថ្នាក់កណ្តាល ដែលតែងតែចុះជួយប្រជាជន ជួយអភិវឌ្ឍន៍តាមភូមិឃុំក្នុងមូលដ្ឋានស្រុកវាលវែង រហូតប្រជាពលរដ្ឋស្រលាញគ្រាំទ្រ បោះឆ្នោតជូនគណបក្សប្រជាជនកម្ពុជាឈ្នះឆ្នោតគ្រប់ពេល ។ ហើយក្រុមការងារគណបក្សប្រជាជន និងរាជរដ្ឋាភិបាលកម្ពុជាដែលដឹកនាំដោយគណបក្សប្រជាជនកម្ពុជា កំពុងបន្តរៀបចំ អភិវឌ្ឍន៍ស្រុកវាលវែងអោយក្លាយជាដុំពេជ្ររបស់ខេត្តពោធិ៍សាត់ដែលការងារអាទិភាពដំបូងគេគឺការចូលរួមការពារធនធានធម្មជាតិ ក្នុងស្រុកវាលវែងអោយនៅគង់វង្ស ព្រោះធនធានធម្មជាតិ

ជាអាយុជីវិតយុទ្ធសាស្ត្ររបស់ស្រុកវាលវែង សម្រាប់ទាក់ទាញការវិនិយោគផ្សេងៗ ផ្តល់ប្រយោជន៍ផ្នែកទេសចរណ៍  

ជាធុងអាគុយផលិតថាមពលអគ្គិសនី  និងរក្សាទឹកបម្រើដល់ផ្នែកកសិកម្ម ជាពិសេសពេលផ្លូវជាតិលេខ១០ 

ស្ថាបនារួចនឹងភ្ជាប់ស្រុកវាលវែងទៅកាន់ខេត្តបាត់ដំបង និងខេត្តកោះកុង ធ្វើអោយវាលវែងកាន់តែនៅជិតគម្រោងកំពងផែទឹកជ្រៅកោះកុងដែលជាផលវិជ្ជមានសម្រាប់សេដ្ឋកិច្ចស្រុកវាលវែង ក៏ដូចជាខេត្តពោធិ៍សាត់ ។ក្នុងនោះដែរ

ឯកឧត្តម បានជម្រុញអោយក្រុមការងារចុះជួយស្រុកវាលវែងត្រូវរៀបចំក្រុមគ្រូពេទ្យស្ម័គ្រចិត្តរបស់គណបក្សប្រជាជន ចុះព្យាបាលជូនប្រជាពលរដ្ឋក្នុងស្រុកវាលវែងអោយបានញឹកញាប់ព្រោះជាស្រុកដែលនៅឆ្ងាយពីទីរួមខេត្ត ។

បញ្ជីឈ្មោះ ឯកឧត្តម លោក លោកស្រី ដែលត្រូវឡើងទទួលប្រកាសប្រកាសសេចក្តីសម្រេច ស្ដីពីការចាត់តាំងសមាសភាពក្រុមការងារគណបក្សប្រជាជនកម្ពុជា ចុះមូលដ្ឋានស្រុកវាលវែង ខេត្តពោធិ៍សាត់ រួមមាន៖ 

១. ឯកឧត្តម កែវ វីរៈ  ប្រធានក្រុមការងារថ្នាក់ស្រុក 

២. ឯកឧត្តម សារី កោសល្យ  អនុប្រធានក្រុមការងារថ្នាក់ស្រុក 

៣. ឯកឧត្តម គុយ ហាក់  អនុប្រធានក្រុមការងារថ្នាក់ស្រុក 

៤. លោក អូន យ៉ង់   អនុប្រធានក្រុមការងារថ្នាក់ស្រុក 

៥. លោក វង្ស អេង   អនុប្រធានក្រុមការងារថ្នាក់ស្រុក

៦. លោក សោ លីម   អនុប្រធានក្រុមការងារថ្នាក់ស្រុក 

៧. ឯកឧត្តម ព្រាបឧត្តម  អនុប្រធានក្រុមការងារថ្នាក់ស្រុក 

៨. លោក ចាន់ វិចិត្រ   អនុប្រធានក្រុមការងារថ្នាក់ស្រុក 

៩. លោក ធាង ឡេង   អនុប្រធានក្រុមការងារថ្នាក់ស្រុក 

១០. លោកស្រី ម៉ក់ សុភាព  អនុប្រធានក្រុមការងារថ្នាក់ស្រុក 

១១. លោក ហួត សុភ័ស  ប្រធានក្រុមការងារឃុំប្រម៉ោយ 

១២. លោក ញាណ សំរេច ប្រធានក្រុមការងារឃុំអន្លង់រាប 

១៣. លោក សេង រស្មី   ប្រធានក្រុមការងារឃុំក្រពើពីរ 

១៤. លោក អ៊ូ សារឹម  ប្រធានក្រុមការងារឃុំថ្មដា 

១៥. លោក ង៉ូវ ឧស្សាហ៍  ប្រធានក្រុមការងារឃុំអូរសោម

អត្ថបទ៖ ភិរុណ ពៅ