ជើងហោះហើរជាង២.៦០០ជើង ត្រូវបានលុបចោលកាលពីថ្ងៃចន្ទ ដោយអាកាស​យានដ្ឋាន​ក្នុង​ទីក្រុង ឌិនវើ (Denver) ទីក្រុង ដាឡាស (Dallas) ទីក្រុង ហ៊ូស្តុន (Houston) និងទីក្រុង ឈីកាហ្គោ (Chicago) បានរងការវាយប្រហារខ្លាំងបំផុត ខណៈព្យុះ​រដូវ​រងា​ដ៏​ធំមួយ​បាន​នាំ​មក​នូវ​ព្រិល និងទឹកកកយ៉ាងក្រាស់ គ្របដណ្ដប់ពាសពេញភាគខាងត្បូងសហរដ្ឋអាមេរិក។    

ការធ្លាក់ព្រិលរហូតដល់ ៦ អ៊ីញបានកប់ផ្នែកខ្លះនៃរដ្ឋ Oklahoma, Arkansas និង Tennessee រួច​មកហើយ។

ទីក្រុង​សំខាន់ៗនៅក្នុងផ្លូវរបស់ព្យុះព្រិលសម្រាប់ថ្ងៃចន្ទរួមមាន ទីក្រុង Little Rock រដ្ឋ Arkansas ទីក្រុង Memphis រដ្ឋ Tennessee និង ទីក្រុង ណាស្វីល (Nashville)នៃរដ្ឋ Tennessee ។

យោង​តាមស្ថានីយ៍ Houston ABC KTRK នៅជិតទីក្រុង Houston រថយន្ត​ដឹក​ទំនិញ​ធន់​ធំ​មួយ​គ្រឿង បានក្រឡាប់ដោយសារតែទឹកកកនៅលើផ្លូ ដែលធ្វើឲ្យបិទចរាចរណ៍ទាំងសងខាង។

សាលា​រៀន​នានា​នឹងបិទទ្វេរនៅថ្ងៃអង្គារនេះ នៅទីក្រុង Little Rock និង Nashville ដោយសារ​អាកាស​ធាតុអាប់អួរខ្លាំង។ សាលារដ្ឋ Denver ក៏បានប្រកាស​ថា​ថ្នាក់​រៀន​ត្រូវ​បាន​លុប​ចោល​សម្រាប់​ថ្ងៃ​អង្គារ​នេះដែរ៕