នាយករដ្ឋមន្ត្រីអេស្តូនី លោកស្រី Kaja Kallas បានប្រាប់សារព័ត៌មាន The Times កាលថ្ងៃទី ១៥ ខែមករាថា ប្រទេសរុស្ស៊ី អាចបង្កើតកម្លាំងយោធាឡើងវិញ និងក្លាយជាការគំរាមកំហែងផ្នែកយោធាដ៏សំខាន់ចំពោះផ្នែកខាងកើតរបស់អង្គការណាតូ ក្នុងរយៈពេលពី ៣ ទៅ ៥ឆ្នាំ ។

ដោយលើកឡើងពីចារកម្មអេស្តូនី លោកស្រីនាយករដ្ឋមន្ត្រី បានព្រមានថា ទីក្រុងមូស្គូ អាចបង្កបញ្ហាប្រឈមធ្ងន់ធ្ងរដល់សមាជិកណាតូភាគខាងកើត នាពេលអនាគតដ៏ខ្លីខាងមុខ។

លោកស្រី Kallas បាននិយាយថា៖«”ភាគច្រើន នឹងអាស្រ័យលើរបៀបដែលយើងគ្រប់គ្រងដោយជោគជ័យដើម្បីរក្សាឯកភាពរបស់យើងទាក់ទងនឹងអ៊ុយក្រែន»។

លោកស្រី បានបន្ថែមថា តាមទស្សនៈរបស់ប្រទេសបាល់ទិក រុស្ស៊ីនៅតែមានកម្លាំងគ្រប់គ្រាន់ ដើម្បីដាក់សម្ពាធយោធាពិតប្រាកដ បើទោះបីជាមានសមត្ថភាពប្រយុទ្ធរបស់ខ្លួន ធ្លាក់ចុះយ៉ាងខ្លាំងដោយការលុកលុយដែលកំពុងបន្តរបស់អ៊ុយក្រែនក៏ដោយ។

កាលពីមុន លោក Kallas បានព្រមានថា ប្រសិនបើលោកខាងលិចមិនជួយអ៊ុយក្រែនក្នុងការឈ្នះសង្រ្គាមនោះទេ សមាជិកណាតូមួយចំនួន អាចក្លាយជាគោលដៅបន្ទាប់របស់វិមានក្រឹមឡាំងសម្រាប់ការឈ្លានពានដោយប្រដាប់អាវុធ។