រដ្ឋបាលលោកបៃដិន កំពុងជំរុញអ៊ីស្រាអែលឲ្យស្តារលទ្ធភាពប្រើប្រាស់ទូរគមនាគមន៍ទៅកាន់តំបន់ហ្កា ហ្សា ចំពេលមានការដាច់ភ្លើងដ៏ធំដែលបានអូសបន្លាយរយៈពេល៦ថ្ងៃ ហើយបានធ្វើឲ្យប្រជាជនប៉ាឡេស្ទីនរាប់លាននាក់ គ្មានថាមពល ឬអ៊ីនធឺណិត។

មន្ត្រីរដ្ឋបាលបារម្ភថា ការដាច់ភ្លើង នឹងធ្វើឲ្យមានការលំបាកសម្រាប់នរណាម្នាក់ដែលដឹងពីអ្វីដែលកំពុងកើតឡើងរវាងក្រុមហាម៉ាស និងយោធាអ៊ីស្រាអែល ខណៈដែលសង្រ្គាមនៅតំបន់ហ្កាហ្សា នៅតែបន្ត ដែលអាចនឹងធ្វើឲ្យស្ថានភាពមនុស្សធម៌ធ្ងន់ធ្ងរស្រាប់ កាន់តែអាក្រក់ឡើង។

មន្ត្រីអាមេរិកម្នាក់នៅសេតវិមាន បាននិយាយដោយមិនបញ្ចេញឈ្មោះដោយនិយាយដោយមិនបញ្ចេញឈ្មោះដោយសារតែភាពរសើបនៃកិច្ចពិភាក្សានេះថា សហរដ្ឋអាមេរិក បានទាក់ទងជាមួយរដ្ឋាភិបាលអ៊ីស្រាអែលជុំវិញការដាច់ភ្លើងនេះ ហើយបានជំរុញឲ្យពួកគេបើកទូរគមនាគមន៍ឡើងវិញ។

សេតវិមាន មិនបានបញ្ជាក់ថា សម្ពាធនោះ មានលក្ខណៈបែបណាទេ។ ប៉ុន្តែ នៅក្នុងសេចក្តីថ្លែងការណ៍មួយ អ្នកនាំពាក្យក្រុមប្រឹក្សាសន្តិសុខជាតិលោក អាឌ្រៀន វ៉ាតសុន (Adrienne Watson) បានព្រមានថា៖«អវត្តមាននៃទូរគមនាគមន៍ ធ្វើឲ្យប្រជាជនមិនបានទទួលបានព័ត៌មានសង្គ្រោះជីវិត ខណៈពេលដែលវាប៉ះពាល់ដល់អ្នកឆ្លើយតបដំបូង និងសមត្ថភាពរបស់តួអង្គមនុស្សធម៌ផ្សេងទៀត ក្នុងប្រតិបត្តិការ និងធ្វើដូច្នេះដោយសុវត្ថិភាព»។

លោកវ៉ាតសុន បាននិយាយថា មន្រ្តីអ៊ីស្រាអែល បានបង្ហាញពីភាពត្រឹមត្រូវនៃការដាច់ចរន្តអគ្គិសនីដោយប្រាប់សេតវិមានថា អាចមានហេតុផលប្រតិបត្តិការសម្រាប់ការដាច់បណ្តោះអាសន្ន ប៉ុន្តែថា វាគួរតែនៅតែ «កម្រ និងរយៈពេលខ្លី»។