លោកនាយករដ្ឋមន្ត្រីអ៊ីស្រាអែល បេន ចាមីន ណេតានយ៉ាហ៊ូ(Benjamin Netanyahu) បានប្រាប់សហរដ្ឋអាមេរិកថា លោកប្រឆាំងនឹងការបង្កើតរដ្ឋប៉ាឡេស្ទីន ដែលជាផ្នែកមួយនៃចំហាកក្រោយចប់សង្គ្រាម ដោយបានគូសបញ្ជាក់ពីការខ្វែងគំនិតគ្នារវាងសម្ព័ន្ធមិត្តរយៈពេលបីខែ ក្នុងការវាយប្រហារដោយយោធាឥតឈប់ឈររបស់អ៊ីស្រាអែល លើតំបន់ហ្កាហ្សា។

នៅក្នុងសន្និសីទសារព័ត៌មានថ្នាក់ជាតិមួយកាលពីថ្ងៃព្រហស្បតិ៍ លោក Netanyahu បានសន្យាថានឹងបន្តការវាយលុកនេះរហូតដល់អ៊ីស្រាអែលសម្រេចបានជ័យជម្នះដាច់ខាតលើក្រុមហាម៉ាស ហើយបាននិយាយថារូបលោកបានបញ្ជូនជំហររបស់លោកស្តីពីភាពជារដ្ឋប៉ាឡេស្ទីនដល់ក្រុមមន្ត្រីអាមេរិករួចហើយ។

លោក Netanyahu បាននិយាយថា នៅក្នុងការរៀបចំណាមួយនាពេលអនាគត អ៊ីស្រាអែលត្រូវការការគ្រប់គ្រងសន្តិសុខលើដែនដីនេះទាំងស្រុងនៅភាគខាងលិចនៃទន្លេហ្ស៊កដានី ។ បញ្ហានេះប៉ះពាល់នឹងគំនិតនៃអធិបតេយ្យភាព។ តើអ្នកអាចធ្វើអ្វីបាន?។ លោកបានបន្ថែមថា នាយករដ្ឋមន្ត្រីត្រូវមានសមត្ថភាពនិយាយថាទេ ចំពោះមិត្តរបស់យើង។

ស្របពេលសហរដ្ឋអាមេរិកបានវេតូសេចក្ដីសម្រេចរបស់អង្គការសហប្រជាជាតិដែលអំពាវនាវឱ្យមានបទឈប់បាញ់ ខ្លួនបានអំពាវនាវឱ្យអ៊ីស្រាអែលបន្ធូរដៃក្នុងសង្គ្រាមនៅលើតំបន់ហ្កាហ្សា ហើយបាននិយាយថា ការបង្កើតរដ្ឋប៉ាឡេស្ទីនគួរតែជាផ្នែកនៃថ្ងៃបន្ទាប់ ។

បន្ទាប់ពីការអត្ថាធិប្បាយរបស់លោក Netanyahu ទីប្រឹក្សាសន្តិសុខជាតិអាមេរិក លោក John Kirby បាននិយាយថា នឹងមិនមានការកាន់កាប់តំបន់ហ្កាហ្សាឡើងវិញទេ បន្ទាប់ពីសង្រ្គាម ហើយបានសង្កត់ធ្ងន់ថា សហរដ្ឋអាមេរិកនៅតែប្តេជ្ញាចិត្តចំពោះដំណោះស្រាយរដ្ឋពីរ ៕