ដោយនិយាយទៅកាន់សារព័ត៌មាន Reuters នៅក្នុងបទសម្ភាសន៍មួយ កាលពីថ្ងៃព្រហស្បតិ៍ (ទី១៨ ខែមករា) រដ្ឋមន្ត្រីក្រសួងហិរញ្ញវត្ថុអាល្លឺម៉ង់បានព្យាករពីកម្រិតកំណើនឡើងខ្ពស់នៅពាក់កណ្តាលអាណត្តិ ក្នុងប្រទេសអាល្លឺម៉ង់ ហើយបាននិយាយថា គណបក្សរបស់លោកនឹងទប់ទល់នឹងការឡើងប្រជាប្រិយរបស់គណបក្សស្ដាំនិយម ដោយការដោះស្រាយបញ្ហានានា ដែលបានជួយពង្រឹងដល់គាំទ្រសម្រាប់គណបក្ស។

សេដ្ឋកិច្ចអាល្លឺម៉ង់បានធ្លាក់ចុះ ០,៣ភាគរយ ក្នុងឆ្នាំ២០២៣ ដោយសារតែអតិផរណានៅទ្រឹង តម្លៃថាមពលខ្ពស់ និងតម្រូវការបរទេសទាប។ ដោយមើលទៅមុខ យ៉ាងហោចណាស់ប៉ុន្មានខែដំបូងនៃឆ្នាំ២០២៤ ភាគច្រើននៃកត្តាទាញទម្លាក់កំណើន នឹងនៅតែមាន ហើយក្នុងករណីខ្លះនឹងមានផលប៉ះពាល់ខ្លាំងជាងឆ្នាំ២០២៣ ទៅទៀត។

ក្នុងបទសម្ភាសន៍មួយ នៅខាងក្រៅវេទិកាសេដ្ឋកិច្ចពិភពលោក (WEF) នាទីក្រុង Davos (ដាវ៉ូស) ប្រទេសស្វីស លោក Christian Lindner បានស្វាគមន៍ការសម្រេចចិត្តរបស់សភាអាល្លឺម៉ង់ នៅព្រឹកថ្ងៃនេះ ដែលប្រទេសនេះមិនចាំបាច់លុបចោលការបង្កើនបំណុល ហើយបាននិយាយថា បច្ចុប្បន្នលោកមិនអាចស្រមៃមើលស្ថានភាព ដែលថា នឹងចាំបាច់នោះទេ។

នៅពេលសួរអំពីការកើនឡើងនៃប្រជាប្រិយភាពរបស់គណបក្សស្តាំនិយមជ្រុលរបស់អាល្លឺម៉ង់ គឺគណបក្ស Alternative for Germany (AfD) លោក Lindner បាននិយាយថា វាជារឿងសំខាន់ក្នុងការមើលចំណុចគន្លឹះដែលជំរុញដល់ការគាំទ្រសម្រាប់គណបក្ស ហើយទប់ទល់នឹងគូបដិបក្ខ៕