រដ្ឋមន្រ្ដីកាបរទេសចិន លោកវ៉ាង យី បានជួបជាមួយរដ្ឋមន្រ្ដីកាបរទេសប្រេស៊ីលលោក មួរ៉ូ វ៉ែរ៉ា ក្នុងរដ្ឋធានីប្រាស៊ីលីយ៉ា កាលពីថ្ងៃព្រហស្បតិ៍ ដោយបានសាទរខួបលើកទី៥០នៃការបង្កើតទំនាក់ទំនងទ្វេភាគី និងបានសម្ដែងក្ដីសង្ឃឹមសម្រាប់ការសន្ទនា កាន់តែជិតស្និទ និងកិច្ចសហប្រតិបត្ដិការកាន់តែស៊ីជម្រៅថែមទៀត។

លោកវ៉ាង បានលើកឡើងថា ប្រទេសទាំងពីរជាប្រទេស កំពុងអភិវឌ្ឍន៍ដ៏ធំ ហើយលោកនិយាយថា ប្រទេសទាំងពីរគួតែធ្វើអោយប្រសើរឡើងនូវកិច្ចសហប្រតិបត្ដការ ហើយនិងថ្លែងការរួមគ្នាពីបញ្ហា

សកលលោក។

ដំណើរទស្សនកិច្ចរបស់រដ្ឋមន្រ្ដីកាបរទេសចិននេះបានធ្វើឡើង ស្របពេលដែលប្រទេសទាំងពីរ កំពុងប្រារព្ធខួបលើកទី៥០នៃទំនាក់ទំនងកាទូតរបស់ប្រទេសទាំងពីរ និងពាណិជ្ជកម្មរវាងប្រទេសទាំងពីរបានឈានដល់កម្រិតខ្ពស់។

យោងតាមទិន្នន័យផ្លូវការរបស់រដ្ឋាភិបាលបានឲ្យដឹងថា សម្រាប់រយៈពេលដំបូង ប្រេស៊ីល បានបង្កើនការនាំចេញលើសពី១០០ពាន់លានដុល្លាអាមេរិកដល់១០៤,៣ពាន់លានដុល្លាទៅប្រទេសចិនកាលពីឆ្នាំកន្លងទៅ ។ ហើយពាណិជ្ជកម្មទ្វេរភាគីនេះ បានឈានដល់១៥៧,៥ពាន់លានដុល្លាអាមេរិក។

សំរាប់ដំណើរទស្សនកិច្ចថ្មីៗនេះ លោកវ៉ាង និងសមភាគីប្រេស៊ីលរបស់លោក នឹងធ្វើជាសហប្រធានកិច្ចសន្ទនាយុទ្ធសាស្រ្ដសកលទី៤ រវាងរដ្ឋមន្រ្ដីកាបរទេសប្រទេសទាំងពីរ។

ប្រទេសប្រេស៊ីលគឺជាសមាជិកដ៏សំខាន់នៃក្រុមប្រទេសប្រីគ(BRICS) ហើយថែមទាំងកំពុងធ្វើជាប្រធានកិច្ចប្រជុំG20 ក្នុងឆ្នាំ២០២៤នេះទៀតផង។ នៅក្នុងខែវិច្ឆិកាឆ្នាំនេះ ជំនួបកំពូលG20គ្រោងនឹងធ្វើឡើងនៅក្នុងក្រុងរីយ៉ូ ដឺ ហ្សានេរ៉ូ (Rio de Janero)។

ដូច្នេះ កិច្ចព្រមព្រៀងជាច្រើនត្រូវគេរំពឹងថានឹងត្រូវគេចុះហត្ថលេខាក្នុងរដ្ឋធានីប្រាស៊ីលីយ៉ា។