ភ្នំពេញ ៖ យោងតាមអាជ្ញាធរកម្ពុជា គ្រប់គ្រងសកម្មភាពកំចាត់មីន និង សង្គ្រោះជនពិការដោយសារមីនបានចេញសេចក្តីប្រកាសព័ត៌មានឲ្យដឹងនៅវេលាថ្ងៃទី២២ ខែមករាឆ្នាំ ២០ ២៤នេះថាក្នុងនាមកម្ពុជាជាប្រធាននៃកិច្ចប្រជុំត្រួត ពិនិត្យឡើងវិញលើកទី៥ នៃអនុសញ្ញាស្តីពីការហាមប្រើប្រាស់ ការរក្សាទុក ការផលិតនិងការផ្ទេរគ្រាប់មីនប្រឆាំងមនុស្សនិងការបំផ្លាញគ្រាប់មីន(អនុសញ្ញាអូតាវ៉ា)ឯកឧត្តម បណ្ឌិត លី ធុជ ទេសរដ្ឋមន្ត្រី និងជាអនុប្រធានទី១ អាជ្ញា ធរមីន តំណាងដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយក រដ្ឋមន្ត្រី នៃព្រះរាជាណាចក្រកម្ពុជា និងជាប្រធានអាជ្ញាធរមីន នឹង អញ្ជើញចូលរួមដឹកនាំកិច្ច ប្រជុំមួយចំនួន នៃអនុសញ្ញាអូតាវ៉ា ចាប់ពីថ្ងៃទី២២- ២៧ ខែ មករា ឆ្នាំ ២០២៤ នៅទីក្រុងហ្សឺណែវ ប្រទេសស្វីសដូចជាគណៈ កម្មការស្តីពីការត្រួតពិនិត្យអនុលោមភាពសហប្រតិ បត្តិការ.គណៈកម្មការសម្របសម្រួល. ក្រុមការងារសម្រប សម្រួលការធ្វើសាកលភាវូបនីយកម្មនិងសិក្ខាសាលាត្រៀមរៀបចំកិច្ចប្រជុំត្រួតពិនិត្យឡើងវិញលើកទី៥ នៃអនុសញ្ញាអូតាវ៉ា។

នៅក្នុងសេចក្តីជូនដំណឹងដដែរបាមបន្តឲ្យដឹងថា ក្រៅពីដឹកនាំកិច្ចប្រជុំដែលជាកាតព្វកិច្ចរបស់ប្រធានអនុសញ្ញាឆ្នាំ២០២៤ ឯកឧត្តមបណ្ឌិតទេសរដ្ឋមន្ត្រី លី ធុជ នឹងជួប ពិភាក្សាការងារជាមួយក្រុមការងារនៃអង្គភាពគាំទ្រការអនុ វត្តអនុសញ្ញា (ISU) និង ជួបពិភាក្សាការងារជាមួយឯកអគ្គរាជទូត/រដ្ឋទូតនានា ដើម្បីស្វែងរកការគាំទ្របន្ថែមដល់អនុ ញ្ញាអូតាវ៉ា ៕ ភារម្យ