ភ្នំពេញ ៖ ផ្នែកសម្ភព និងរោគស្ត្រី នៃមន្ទីរពេទ្យមិត្តភាពខ្មែរ-សូវៀត បានសហការជាមួយសមាគមក្រុមគ្រូពេទ្យវះកាត់ ដើម្បីកម្ពុជា អាមេរិច អង់គ្លេស និងអ៊ីស្រាអែល នឹងផ្តល់ជូនការពិនិត្យរកមេរោគបង្កជំងឺមហារីកមាត់ស្បូន ដោយឥតគិតថ្លៃ ចាប់ពីថ្ងៃទី២៩ ខែមករា រហូតដល់ថ្ងៃទី១ ខែកុម្ភៈ ឆ្នាំ២០២៤ខាងមុខនេះ។

​លោកវេជ្ជបណ្ឌិត អ៊ុយ គីណា ប្រធានផ្នែកសម្ភព និងរោគស្រី្ត នៅមនី្ទរពេទ្យមិត្តភាពខ្មែរ-សូវៀត ថ្លែងប្រាប់BTV ព័ត៌មាន នាថ្ងៃទី២៣ ខែមករា ឆ្នាំ២០២៤នេះថា ព្រឹតិ្តការណ៍នៅថ្ងៃទី២៩-៣០-៣១ និងថ្ងៃទី១ ខែកុម្ភះ ឆ្នាំ២០២៤ខាងមុខនេះ ចំនួន៤ថ្ងៃ គឺផ្នែកសម្ភព និងរោគស្ត្រី ផ្តល់ជាការស្រាវជ្រាវរកជំងឺមហារីកមាត់ស្បូនដោយប្រើតេស្តដែលមានប្រសិទ្ធភាព ទាក់ទងជាមួយនឹងតេស្ត HPV (មានន័យថាក្រុមគ្រូពេទ្យរកមហារីកជំងឺមាត់ស្បូន ដែលមានឈ្មោះថា HPV)។ ជាពិសេសការផ្តល់សេវាដោយឥតគិតថ្លៃនេះ ក៏ដើម្បីស្វែងរកជំងឺមហារីកមាត់ស្បូន នៅលើស្រី្តកម្ពុជា ដើម្បីកាត់បន្ថយហានិភ័យដែលស្រី្តកើតជំងឺមហារីកស្បូន ហើយក៏ដូចជាការឆ្លើយតបទៅនឹងគោលដៅរបស់ពិភពលោក ដែលធ្វើឲ្យជំងឺមហារីកមាត់ស្បូន លុបបំបាត់ជំងឺមហារីកស្បូន នាឆ្នាំ២០៣០។

ជាចុងក្រោយលោកវេជ្ជបណ្ឌិត អ៊ុយ គីណា បានសំណូមពរដល់ស្រី្តកម្ពុជាគ្រប់រូប សូមចូលរួមមកទទួលសេវានៅផ្នែកសម្ភព និងរោគស្រី្ត ពិព្រោះថាមនី្ទរពេទ្យមិត្តភាពខ្មែរ-សូវៀត មិនមែននៅតែឯងនោះទេ គឺមនី្ទរពេទ្យតែងតែមានដៃគូសហការ មកពីបណ្តាប្រទេសផ្សេងៗ ដូចជា៖ សហរដ្ឋអាមេរិក បារាំង អូស្រ្តាលី ជប៉ុន កូរ៉េ អង់គ្លេស អ៊ីស្រាអែល និងប្រទេសផ្សេងៗទៀត ដើម្បីផ្តល់ការព្យាបាលជំងឺមហារីកមាត់ស្បូន ឲ្យទាន់សភាពការណ៍ ទៅតាមបច្ចេកវិទ្យាថ្មីៗ នៃការវិវត្តន៍របស់ជំងឺ ហើយក្រុមគ្រូពេទ្យរបស់យើងគោរពនូវក្រមសីលធម៌វិជ្ជាជីវៈត្រឹមត្រូវ មានន័យថា អ្នកជំងឺត្រូវព្យាបាល ទើបក្រុមគ្រូពេទ្យឯកទេសព្យាបាលជូន ហើយការព្យាបាលនៅទីនេះ គឺក្រុមគ្រូពេទ្យផ្តល់សេវាកម្មព្យាបាលជំងឺមហារីកមាត់ស្បូន ដោយធ្វើការវៈកាត់គ្រប់ដំណាក់កាលបាន ប្រសិនបើបណ្តាប្រទេសផ្សេងទៀតធ្វើបាន គឺក្រុមគ្រូពេទ្យជំនាញរបស់យើងព្យាបាលបាន និងជាសៈស្បើយ៕   អត្ថបទ៖ រដ្ឋា