អ្នកក្រុងគីវ បានទៅពួនជ្រកនៅស្ថានីយរថភ្លើងក្រោមដី ខណដែលរុស្ស៊ីបានចាប់ផ្ដើមវាយប្រហារដោយមីស៊ីលលើប្រទេសអ៊ុយក្រែន នៅព្រឹកថ្ងៃអង្គានេះ។

មនុស្សជាច្រើននាក់ បានអង្គុយនៅលើកកម្រាល និងវ៉លីស៍ឥវ៉ាន់សម្រាប់ដំណេកនៅលើកម្រាលឥដ្ឋនៃស្ថានីយនេះ ដោយរង់ចាំរហូតដល់សំឡេងស៊ីរ៉ែនប្រកាសអាសន្ននៃការវាយប្រហារតាមអាកាស

ស្ងប់ស្ងាត់។

អភិបាលក្រុង លោកវីតាលី គ្លីតស្កូ(Vitali Klitschko) បាននិយាយនៅលើសារតាមAppតេឡេក្រាមថា មនុស្ស៧នាក់ បានរងរបួស នៅក្នុងសង្កាត់ សូឡូមានស្គី (Solomianskyi) និងសង្កាត់ស៊ីយ៉ាតូស៊ីនស្គី (Sviatoshynskyi) ដោយបន្ថែមថា អគារផ្ទះល្វែងជាច្រើន ត្រូវភ្លើងឆេះដោយសារការវាយប្រហារនេះ។

លោកសេរី ប៉ូបកូ ប្រធានរដ្ឋបាលយោធភូមិភាគក្នុងក្រុងគីវ និងសមភាគីរបស់លោក នៅតំបន់ជុំវិញ បាននិយានៅលើ តេឡេក្រាមថា ប្រព័ន្ធការពារដែនអាកាស បានកម្ទេចការវាយប្រហារដោយមីស៊ីលរបស់រុស្ស៊ីដោយជោគជ័យ។

មន្រ្ដីម្នាក់បាននិយាយថា គ្មានអគារអ្នកស្រុកណាមួយក្នុងសង្កាត់ប៉េឈើស(Pechersk) ក្នុងរដ្ឋធានីរងការខូចខាតឡើយ៕