អ្នកជំនាញសិទ្ធិមនុស្សរបស់អង្គការសហប្រជាជាតិកាលពីថ្ងៃព្រហស្បតិ៍ បានសម្តែងព្រួយបារម្ភ ចំពោះការកើនឡើងនៃចំនួនសារព័ត៌មានដែលត្រូវបានសម្លាប់ នៅក្នុងសង្គ្រាមនៅតំបន់ហ្កាហ្សា ដោយបានបដិសេធយុទ្ធសាស្ត្ររបស់អ៊ីស្រាអែល «ចេតនា»ជាក់ស្តែង ដើម្បីបំបិទការរាយការណ៍រិះគន់។
អ្នកជំនាញចំនួន៥រូប បាននិយាយនៅក្នុងសេចក្តីថ្លែងការណ៍មួយថា «កម្រណាស់ដែលអ្នកសារព័ត៌មានបានរងផលវិបាកដ៏ធ្ងន់ធ្ងរបែបនេះសម្រាប់ការធ្វើការងាររបស់ពួកគេដូចអ្នកនៅតំបន់ហ្កាហ្សានាពេលបច្ចុប្បន្ន»។
របាយការណ៍របស់UNបង្ហាញថា យ៉ាងហោចណាស់អ្នកកាសែត ១២២នាក់ និងបុគ្គលិកប្រព័ន្ធផ្សព្វផ្សាយផ្សេងទៀត ត្រូវបានសម្លាប់ និងជាច្រើននាក់ទៀតរងរបួស នៅតំបន់ហ្កាហ្សាស្ទ្រីប ចាប់តាំងពីសង្រ្គាម បានផ្ទុះឡើងនៅទីនោះ បន្ទាប់ពីការវាយប្រហារដ៏សាហាវរបស់ក្រុមហាម៉ាស នៅក្នុងប្រទេសអ៊ីស្រាអែល កាលពីថ្ងៃទី៧ ខែតុលា។
ក្រុមសកម្មប្រយុទ្ធប៉ាឡេស្ទីន ក៏បានសម្លាប់សារព័ត៌មានអ៊ីស្រាអែល ៤នាក់ផងដែរ កាលពីថ្ងៃទី៧ ខែតុលា ខណៈដែលអ្នកកាសែតបីនាក់ ត្រូវបានសម្លាប់ដោយការបាញ់ផ្លោងរបស់អ៊ីស្រាអែល នៅផ្នែកខាងលីបង់នៃព្រំដែនរបស់ពួកគេ។
ក្រុមអ្នកជំនាញ បាននិយាយថា៖«យើងមានការភ្ញាក់ផ្អើលចំពោះចំនួនអ្នកសារព័ត៌មាន និងបុគ្គលិកប្រព័ន្ធផ្សព្វផ្សាយ ដែលត្រូវបានសម្លាប់ វាយប្រហារ រងរបួស និងឃុំខ្លួន នៅក្នុងទឹកដីប៉ាឡេស្ទីនដែលគ្រប់គ្រងដោយអ៊ីស្រាអែល ជាពិសេសនៅតំបន់ហ្កាហ្សាក្នុងប៉ុន្មានខែថ្មីៗនេះ»។
ក្រុមអ្នកជំនាញឯករាជ្យ ដែលត្រូវបានតែងតាំងដោយក្រុមប្រឹក្សាសិទ្ធិមនុស្សរបស់អង្គការសហប្រជាជាតិ ប៉ុន្តែមិននិយាយក្នុងនាមអង្គការសហប្រជាជាតិ បាននិយាយថា ពួកគេបានទទួល «របាយការណ៍ដែលរំខានថា ទោះបីជាត្រូវបានកំណត់អត្តសញ្ញាណយ៉ាងច្បាស់ដោយពាក់អាវធំ និងមួកសុវត្ថិភាព ដែលមានសញ្ញាថា«សារព័ត៌មាន» ឬធ្វើដំណើរដោយរថយន្តសារព័ត៌មានក៏ដោយអ្នកសារព័ត៌មាន នៅត្រូវបានគេវាយប្រហារដែរ»។
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
