នាយករដ្ឋមន្ត្រីអ៊ីស្រាអែល លោក Benjamin Netanyahu កាលពីថ្ងៃពុធ ទី៨ ខែកុម្ភៈ បានច្រានចោលការទាមទាររបស់ក្រុមហាម៉ាសសម្រាប់បទឈប់បាញ់ ហើយបានបញ្ជាឱ្យកងទ័ពត្រៀមឆ្ពោះទៅកាន់ទីក្រុង Rafah នៅភាគខាងត្បូងនៃតំបន់ ហ្កាហ្សា ជាទីដែលប្រជាជនប៉ាឡេស្ទីនជាងមួយលាននាក់ បានស្វែងរកការជ្រកកោន។ 

រដ្ឋមន្ត្រីការបរទេសអាមេរិក លោក Antony Blinken បាននិយាយនៅក្នុងទីក្រុង Tel Aviv ប៉ុន្មានម៉ោងបន្ទាប់ពីបានជួបលោក Netanyahu ថា លោកនៅតែមើលឃើញឱកាសសម្រាប់កិច្ចព្រមព្រៀងដែលត្រូវសម្រេចបាន ហើយថាលោកបានព្រមានមេដឹកនាំអ៊ីស្រាអែលចំពោះសកម្មភាព និងពិភាក្សាដែលធ្វើឱ្យមានភាពតានតឹង ។លោក Netanyahu បានប្រាប់សន្និសីទទូរទស្សន៍មួយថា លោកបានបញ្ជាកងទ័ពឱ្យត្រៀមប្រតិបត្តិការនៅក្នុងទីក្រុង Rafah ហើយថា ជ័យជម្នះទាំងស្រុងរបស់អ៊ីស្រាអែលលើក្រុមហាម៉ាស គឺនៅសល់តែប៉ុន្មានខែទៀតប៉ុណ្ណោះ។  

ប៉ុន្តែលោកបានព្រមានថា ការទទួលយកការទាមទារដ៏ចម្លែកៗរបស់ក្រុមសកម្មប្រយុទ្ធប៉ាឡេស្ទីន សម្រាប់បទឈប់បាញ់ នឹងមិននាំទៅដល់ការវិលត្រឡប់នៃចំណាប់ខ្មាំងនោះទេ ដោយចោទប្រកាន់ថាបៀបបានទៅនឹងការបើកដៃឲ្យមានការសម្លាប់រង្គាលមួយផ្សេងទៀត ។  

នៅទីក្រុង បេរូត(Beirut)មន្ត្រីជាន់ខ្ពស់ក្រុមហាម៉ាស បានឆ្លើយតបដោយនិយាយថា ការទទូចលើការបន្តការឈ្លានពានរបស់លោក Netanyahu បញ្ជាក់យ៉ាងច្បាស់ថាគោលដៅរបស់នាយករដ្ឋមន្ត្រីរូបនេះ គឺការប្រល័យពូជសាសន៍ប្រឆាំងនឹងប្រជាជនប៉ាឡេស្ទីន ។ 

មន្ត្រីក្រុមហាម៉ាសលោក អូសាម៉ា ហាមដាន(Osama Hamdan)បានជំរុញឱ្យក្រុមប្រឆាំងទាំងអស់ បន្តការប្រយុទ្ធ និងប្រុងប្រយ័ត្នចំពោះអំពើក្បត់របស់អ៊ីស្រាអែលអំឡុងត្រីមាសចុងក្រោយនៃការប្រឈមដាក់គ្នានេះ ។

ម្នាក់ក្នុងចំណោមចំណាប់ខ្មាំងដែលត្រូវបានដោះលែងជាផ្នែកនៃកិច្ចព្រមព្រៀងឈប់បាញ់បណ្តោះអាសន្នដែលត្រូវបានសម្របសម្រួលកាលពីខែវិច្ឆិកា ឆ្នាំមុន ក៏បានដាក់សម្ពាធលើមេដឹកនាំអ៊ីស្រាអែលផងដែរ៕