ប្រព័ន្ធផ្សព្វផ្សាយក្នុងស្រុកបានរាយការណ៍កាលពីថ្ងៃពុធ (០៧ កុម្ភៈ) ថាទឹកប្រហែល ៥,៥ តោនដែលមានផ្ទុកសារធាតុវិទ្យុសកម្ម បានលេចធ្លាយចេញតាមឧបករណ៍មួយនៅរោងចក្រថាមពលនុយក្លេអ៊ែរ ហ៊្វូគូស៊ីម៉ា ដែអ៊ីឈី (Fukushima Daiichi) របស់ប្រទេសជប៉ុន។

ទូរទស្សន៍កណ្តាល ហ៊្វូគូស៊ីម៉ា បានរាយការណ៍ដោយដកស្រង់សម្តីពីប្រតិបត្តិកររោងចក្ររបស់ទីភ្នាក់ងារថាមពលតូក្យូ (TEPCO) ថា នៅម៉ោងប្រហែល ៨:៥៣ នាទីព្រឹក (ម៉ោងក្នុងស្រុក) កាលពីថ្ងៃពុធ កម្មករបានរកឃើញទឹកលេចធ្លាយចេញពីព្រីភ្លើងរបស់ឧបករណ៍ដែលប្រើដើម្បីបន្សុទ្ធទឹក ដែលមានមេរោគនុយក្លេអ៊ែរ កំឡុងពេលត្រួតពិនិត្យឧបករណ៍នេះ។

ការរាយការណ៍នោះបាននិយាយថាប្រតិបត្តិករ TEPCO ប៉ាន់ប្រមាណថាបរិមាណទឹកដែលលេចធ្លាយមានប្រហែល ៥,៥ តោន ដែលអាចផ្ទុកសារធាតុវិទ្យុសកម្មចំនួន ២២ ពាន់លានបិកកឺរ៉ែល ដូចជាសារធាតុសេស្យូម និងស្ទេដ្យូម។

ការរាយការណ៍បានបន្ថែមថា ភាគច្រើននៃទឹកដែលលេចធ្លាយហាក់ដូចជាបានជ្រាបចូលទៅក្នុងដី ប៉ុន្តែការត្រួតពិនិត្យបណ្តាញបង្ហូរទឹកនៅក្បែរនោះមិនបង្ហាញពីការផ្លាស់ប្តូរកម្រិតវិទ្យុសកម្មគួរឱ្យកត់សម្គាល់នោះទេ។

រោងចក្រថាមពលនុយក្លេអ៊ែរ ហ៊្វូគូស៊ីម៉ា បាននិងកំពុងបង្កើតបរិមាណដ៏ច្រើននៃទឹកដែលមានសារធាតុវិទ្យុសកម្មពីការធ្វើឱ្យត្រជាក់ឥន្ធនៈនុយក្លេអ៊ែរនៅក្នុងអគាររ៉េអាក់ទ័រ ដែលឥឡូវនេះត្រូវបានរក្សាទុកនៅក្នុងធុងជាច្រើននៅរោងចក្រមួយនេះ៕