លោក ហេង សំណាង ប្រធានបណ្តុំអង្គការសមាគមសង្គមស៊ីវិល ដែលជាតំណាង​យុវជន​សង្គម​ស៊ីវិល​នៅ​រាជធានីភ្នំពេញ និងនៅតាមបណ្ដាខេត្ត បានបន្ត​អំពាវនាវ​ដល់​បណ្ដា​គណបក្ស​នយោបាយ អង្គការសមាគម និងសាធារណៈជន រួមគ្នាកម្ចាត់​នយោបាយ​ខ្មៅ​កខ្វក់​របស់​ក្រុម​ប្រឆាំង​ជ្រុល​និយមឱ្យចេញផុតពីកម្ពុជា។

លោក ហេង សំណាង តាមរយៈកិច្ចសម្ភាសន៍ជាមួយទូរទស្សន៍ BTV នៅថ្ងៃទី៨ ខែកុម្ភៈ ឆ្នាំ ២០២៤​នេះ បានបានបង្ហាញការសោកស្ដាយដែលក្នុងពេលថ្មីៗនេះ មាន​ទណ្ឌិត​ភៀស​ខ្លួន​ខុស​ច្បាប់ និងមន្រ្តីសមាគម សង្គមស៊ីវិលមួយចំនួនតូច បានបន្ត​ធ្វើ​សកម្ម​ភាព​ញុះញង់​ធ្វើ​ឲ្យ​កើត​មាន​វិទ្ធង្សនា​ន​យោបាយខ្មៅកខ្វក់ បន្តបង្កើតវប្បធម៌នយោបាយជ្រុលនិយមនៅក្នុងប្រទេសកម្ពុជា។

តាមរយៈរូបភាពបែបេះ លោក ហេង សំណាង បានអំពាវនាវដល់ប្រជាជនខ្មែរ រួមគ្នា​កម្ចាត់​នយោបាយ​ខ្មៅកខ្វក់ របស់ក្រុមប្រឆាំង និងក្រុមសង្គមស៊ីវិល (NGOs) ជ្រុលនិយមដែល​នៅ​សេស​សល់​ទាំងនោះឲ្យចេញផុតឱ្យអស់ពីប្រទេសកម្ពុជា។

លោក ហេង សំណាង បញ្ជាក់ថា ក្រុមយុវជនសង្គមស៊ីវិលនឹងបន្តធ្វើយុទ្ធនាការ ឃោសនា និង​ធ្វើ​វេទិកា​សាធារណៈ និងធ្វើការផ្សព្វផ្សាយ សៀវភៅខៀវ លើកបដា និងធ្វើវេទិកាសាធារណៈ តាម​បណ្តាល​ខេត្ត ក្រុង ដើម្បីរួមគ្នាកម្ចាត់​នយោបាយ​ខ្មៅ​កខ្វក់​របស់​ក្រុម​ប្រឆាំង​ជ្រុល​និយម​ឱ្យ​ចេញ​ផុត​ពី​កម្ពុជា​។

សូមបញ្ជាក់ថា ក្នុងពេលថ្មីៗនេះមានគណបក្សនយោបាយ អង្គការ សមាគម​សង្គម​ស៊ីវិល​ជា​ច្រើន​បាន​ចេញ​សេចក្តីថ្លែងការណ៍ថ្កោលទោសក្រុមប្រឆាំងជ្រុលនិយម និងសង្គមស៊ីវិល​មួយ​ចំនួន​ដែល​បន្ត​ធ្វើ​សកម្មភាពញុះញង់ និងប្រើពាក្យសម្ដីប្រមាថដល់ថ្នាក់ដឹកនាំប្រទេសជាតិ និង​ប្រទេស​កម្ពុជា​៕ អត្ថបទ៖ វ៉ន ដារ៉ា