សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា មានប្រសាសន៍ថា ភាពរីកចម្រើនរបស់កម្ពុជា នាពេលបច្ចុប្បន្ននេះ មិនមែនជាការចៃដន្យនោះទេ គឺកើតចេញពីកត្តានយោបាយច្បាស់លាស់​របស់​រាជរដ្ឋាភិបាល និងប្រទេសមានសុខសន្តិភាព។

ក្នុងឱកាសបើកការដ្ឋានសាងសង់ស្ពានចាក់អង្រែក្រោម-ព្រែកប្រា នាព្រឹកថ្ងៃទី១៩ ខែកុម្ភៈ ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋមន្រ្តី បានលើកឡើងថា ការរីកចម្រើនលើ​គ្រប់វិស័យ ​ជាពិសេសផ្នែកហេដ្ឋារចនាសម្ព័ន្ធដែលបានរីកចម្រើន​ជាបន្តបន្តាប់ទាំងនៅ​រាជធានី​ភ្នំពេញ និងតាមបណ្តា ​ខេត្តនានានៅទូទាំងប្រទេសនោះ គឺកើតចេញពីនយោបាយច្បាស់លាស់​របស់រាជរដ្ឋាភិបាលទាំងអាណត្តិ ​កន្លងទៅនិងបច្ចុប្បន្ននេះ។

នៅក្នុងវេទិកាបើកការដ្ឋានសាងសង់ស្ពានចាក់អង្រែក្រោម-ព្រែកប្រានោះដែរ សម្តេចធិបតី​នាយករដ្ឋមន្រ្តី ក៏បានក្រើនរំលឹកជាថ្មីម្តងទៀតទៅកាន់ជនរួមជាតិទាំង​អស់ឲ្យបន្តថែរក្សា​នូវ​សុខសន្តិភាព ​និង​ការអភិវឌ្ឍដែលកំពុង​កើត​មានសព្វថ្ងៃនេះ​ផងដែរ ​ដោយ​សម្តេច​ អះអាងថា មាន​សុខសន្តិភាព គឺមានការ​អភិវឌ្ឍ​គ្រប់បែបយ៉ាង​ ជាក់​ស្តែង​ដូចការ​​បើការ​ដ្ឋាន​សាងសង់នូវស្ពាន ចាក់អង្រែក្រោម-ព្រែកប្រា នាថ្ងៃនេះជាដើម៕អត្ថបទបាន ចក់