ក្រុមអ្នកតវ៉ាប្រឆាំងរដ្ឋាភិបាលរាប់ពាន់នាក់បានចេញទៅកាន់ដងផ្លូវ នៅកណ្ដាលទីក្រុងតេល អាវីវ (Tel Aviv) ជាផ្លូវតែជាមួយ ដែលការប្រមូលផ្ដុំបានធ្វើឲ្យប្រទេសនេះចលាចល មុនមានសង្រ្គាមរវាងអ៊ីស្រាអែល និងក្រុមហាម៉ាស ជាការបង្ហាញកំហឹងដ៏ធំបំផុតចំពោះរដ្ឋាភិបាលលោកនាយករដ្ឋមន្ត្រី Benjamin Netanyahuក្នុងរយៈកាលប៉ុន្មានខែមកនេះ។  

ក្រោយការវាយប្រហារភ្លាមៗពីសំណាក់ក្រុមសកម្មប្រយុទ្ធហាម៉ាសកាលពីថ្ងៃទី៧ខែតុលា សម្លាប់មនុស្សប្រមាណ១.២០០នាក់ ដែលប្រទេសនេះបានជួបប្រទះភាពរំជួបរំជួលបំផុតក្នុងប្រវត្តិសាស្ត្រ ការតវ៉ាប្រឆាំងរដ្ឋាភិបាលទូទាំងប្រទេសត្រូវបានផ្អាក។  

ក្រុមបាតុករបាននិយាយនៅពេលនោះថា ពួកគេមានអារម្មណ៍ថាប្រទេសនេះត្រូវការការបង្រួបបង្រួម ហើយក្រមបាតុករជាច្រើនត្រូវបានកោះហៅឲ្យត្រៀមជាយោធាបម្រុង ឬស្ម័គ្រចិត្តដើម្បីជួយកិច្ចប្រឹងប្រែងក្នុងសង្គ្រាម។

ក្រុមអ្នកតវ៉ាបានអំពាវនាវឲ្យមានការរៀបចំការបោះឆ្នោតបន្ទាន់នៅក្នុងប្រទេសអ៊ីស្រាអែល និងបាននិយាយថា រដ្ឋាភិបាលគិតតែប្រយោជន៍ខ្លួនឯង។ ក្រុមបាតុការមួយចំនួនបានដុតភ្លើង ខណៈដែលអ្នកផ្សេងទៀត ស្រែកច្រៀងចម្រៀងស្នេហាជាតិ និងលើកបដាប្រឆាំងនឹងលោក Netanyahu។   

លោក Yuval Lerner វ័យ ឆ្នាំបាននិយាយដោយសំដៅទៅលើក្រុមចម្រុះគ្រប់គ្រងស្តាំនិយមរបស់លោក Netanyahu ថា ប្រជាជនត្រូវតែក្រោកឡើង ហើយរដ្ឋាភិបាលត្រូវតែលាលែង។ លោកថា    សូម្បីតែមុនសង្គ្រាមលោកបានបាត់បង់ទំនុកចិត្តថា រដ្ឋាភិបាលមានប្រយោជន៍បំផុតសម្រាប់ជាតិ។ការតវ៉ាប្រឆាំងរដ្ឋាភិបាលទ្រង់ទ្រាយធំជុំវិញផែនការកំណែទម្រង់ធ្វើឲ្យប្រព័ន្ធតុលាការរបស់ប្រទេសនេះចុះខ្សោយ ធ្លាប់កើតឡើងស្ទើរជាទម្លាប់ក្នុងប្រទេសអ៊ីស្រាអែល មុនពេលផ្ទុះសង្គ្រាម។ បន្ទាប់មក បាតុកររាប់ម៉ឺននាក់បានប្រមូលផ្តុំគ្នានៅផ្លូវ Kaplan ក្នុងទីក្រុង Tel Aviv ជាផ្លូវតែមួយ ដែលក្រុមអ្នកតវ៉ា បានប្រមូលផ្ដុំគ្នាកាលពីយប់ថ្ងៃសៅរ៍៕