សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងជា​ឥស្សរជន​ឆ្នើម​ថ្នាក់​ជាតិ នៃផែនការសកម្មភាពរួមអគ្គលេខាធិការអង្គការសហប្រជាជាតិដើម្បីសុខភាពស្ត្រី និង​កុមារ បានធ្វើការអំ ពាវនាវដល់ស្រ្តីមានផ្ទៃពោះគ្រប់រូប ទៅពិនិត្យសុខភាពឲ្យបានទាន់ពេល និង​គ្រប់​ការ​កំណត់ដើម្បីទទួល វ៉ាក់សាំងបង្ការជំងឺឆ្លងពីម្តាយទៅទារក។

តាមរយៈសារ​លិខិតផ្ញើជូនដល់បងប្អូនជនរួមជាតិ ក្នុងទិវាជាតិសុខភាពមាតា ទារក និងកុមារ ក្រោម​ប្រធានបទ«ពង្រឹងគុណភាពសេវាថែទាំសុខភាពមាតា ទារក និងកុមារ ដើម្បីឆ្ពោះ​ទៅ​សម្រេច​បាន​ការគ្របដណ្តប់សុខភាពជាសកល» នាថ្ងៃទី២១ ខែកុម្ភៈ ឆ្នាំ២០២៤នេះ សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន បានលើកឡើងថា«សូមឲ្យស្រ្តីមានផ្ទៃពោះ ទៅ​ពិនិត្យ​សុខភាព​យ៉ាង​តិច​ចំនួន៤ដង តាមពេល វេលាកំណត់ដើម្បីទទួលបានវ៉ាក់សាំងបង្ការជំងឺ និងការ​ចម្លង​មេរោគ​ពី​ម្តាយទៅកូន ជាពិសេសការស្ម័គ្រ ចិត្តធ្វើតេស្តឈាមរកមេរោគអេដស៍ ស្វាយ និងរ​លាក​ថ្លើម​ប្រភេទ​បេ និងទៅសម្រាលកូននៅមណ្ឌលសុខ ភាព ឬមន្ទីរពេទ្យដែលមានគ្រូពេទ្យជំនាញ ទទួ​លបា​នការបណ្តុះបណ្តាលត្រឹមត្រូវជាដើម»។

សម្តេចកិត្តិប្រឹទ្ធបណ្ឌិតបានណែនាំដល់ស្រ្តីគ្រប់រូប ក្រោយពេលសម្រាលកូន សូមស្រ្តីជា មាតា​ទៅ​ពិនិត្យសុខភាព យកទារកទៅចាក់វ៉ាក់សាំង បង្ការជំងឺ១១មុខ តាមពេលវេលាកំណត់ បន្តពិនិត្យ តាម​ដានសុខភាព និងការលួតលាស់របស់កូន បំបៅកូនដោយទឹកដោះម្តាយតែមួយមុខគត់ ចាប់​ពី​ពេល ទារកកើតភ្លាមរហូតដល់ទារកមានអាយុ៦ខែ និងផ្តល់​អាហារ​បន្ថែម​គ្រប់​មុខ​គ្រប់​ជីវជាតិ(បបរខាប់គ្រប់គ្រឿង)រួមជាមួយការបន្តបំបៅទឹកដោះម្តាយរហូតដល់កុមារអាយុពីរឆ្នាំយ៉ាង​តិច​។

សម្តេច​ប្រធានកាកបាទក្រហមកម្ពុជា ក៏បានរំលឹកឲ្យស្រ្តីទាំងអស់សូមប្រញ៉ាប់យកទារកទៅមន្ទីរ ពេទ្យភ្លាមៗ នៅពេលឃើញសញ្ញាគ្រោះថ្នាក់ណាមួយនៃជំងឺរលាក់ផ្លូវដង្ហើម ជំងឺរាក ឬជំងឺ​ផ្សេងៗទៀត និងយកទារក និងកុមារដែលមានរាងកាយស្គម ឬមិន​ឡើង​ទម្ងន់​សោះ​ទៅ​ពិគ្រោះ​យោបល់ និងទទួលការ ព្យាបាលនៅមន្ទីរពេទ្យ។ សូមយុវតី/ស្រ្តីក្នុ​ងវ័​យប​ន្ត​ពូជ​ដែល​មាន​អាយុ​ពី​១៥​ទៅ៤​៩ឆ្នាំ ដែលមានបញ្ហា សុខភាព ទៅពិគ្រោះយោបល់ ទទួលការថែទាំ ឬការ​ព្យាបាល​ជំងឺ​នៅ​ម​ណ្ឌលសុខភាពមន្ទីរពេទ្យ ឬគ្លីនិកមានគ្រូពេទ្យជំនាញច្បាស់លាស់ ដែល​ទទួល​បាន​ការ​បណ្តុះ​បណ្តាល​ត្រឹមត្រូវពីក្រសួងសុខាភិបាល។ សូម បន្តចាក់វ៉ាក់សាំងកូវីដ១៩ដូសជំរុញ និង​សូម​នាំ​កុមារអាយុ៩ឆ្នាំទៅទទួលវ៉ាក់សាំង(HPV) បង្ការជំងឺមហា រីកមាត់ស្បូនឲ្យបានគ្រប់ៗគ្នា ដើម្បីជៀសវាងជំងឺឆ្លង ជំងឺមិនឆ្លងនានាដែលជាមូលហេតុនៃមរណភាព និងពិការភាពជាដើម។

តាមរយៈសារលិខិតជូនដល់ជនរួមជាតិនេះដែរ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រ ធានកាកកបាទក្រហមកម្ពុជា ក៏បានអំពាវនាវដល់មន្រ្តីរាជការ បុគ្គលិកសុខាភិបាល គ្រូពេទ្យ ឆ្មប និងអ្នក ផ្តល់សេវាទាំងអស់ ដែលមានក្រមសីលធម៌វិជ្ជាជីវៈ និងការទទួលខុសត្រូវខ្ពស់ ចូលរួម​គាំទ្រ​ការអនុវត្ត គោលនយោបាយអាទិភាពនានារបស់រាជរដ្ឋាភិបាល ឲ្យសម្រេចបានជោគជ័យ ប្រកប​ដោយប្រសិទ្ធភាព ខ្ពស់តាមគោលដៅកំណត់របស់រាជរដ្ឋាភិបាល។ និងសូមឲ្យ​អាជ្ញាធរ​មូល​ដ្ឋាន​ថ្នាក់​ក្រោមជាតិ យកចិត្តទុក ដាក់ជំរុញ និងបញ្ជូនស្រ្តីក្នុងវ័យបន្តពូជ អាយុ១៥ដល់៤៩ ស្រ្តី​មាន​ផ្ទៃ​ពោះ និងស្រ្តីមានកូនអាយុក្រោមពីរ ឆ្នាំមកទួលសេវាថែទាំសុខភាពនៅមណ្ឌលសុខភាព ឬ​មន្ទីរ​ពេទ្យបង្អែក ឲ្យបានគ្រប់ៗគ្នា។

សម្តេចកិត្តិព្រឹទ្ធបណ្ឌិត ក៏បានអំពាវនាវឲ្យមន្រ្តី បុគ្គលិក តាមសាខា អនុសាខា និងអ្នកស្ម័គ្រចិត្ត កាក​បាទ​ក្រហមកម្ពុជាសហការជិតស្និទ្ធ ជាមួយមន្រ្តី-បុគ្គលិកសុខាភិបាល ក្នុងការ​ចូល​រួម​ផ្សព្វផ្សាយអប់រំ សុខភាព ដល់គ្រប់ស្ត្រីគោលដៅទាំងអស់ និងជួយ​ជំរុញ​បញ្ជូន​ស្រ្តី​មក​មណ្ឌល​សុខភាព ឬមន្ទីរពេទ្យឲ្យបានទាន់ពេលវេលា និងសូមអំពាវនាវដល់ស្ថាប័ន ជាតិ និងអន្តរជាតិ ពាក់ព័ន្ធទាំងអស់បន្តជួយវិនិយោគ គាំទ្រដល់ការងារសុខភាពមាតា ទារក និងកុមារ ពិសេស​ជួយ​ឧបត្ថម្ភ គាំទ្រដល់ការងារបណ្តុះបណ្តាលជំ នាញ និងវិក្រឹតការដល់មន្រ្តី-បុគ្គលិក សុខាភិបាល អាជ្ញាធរ​មូលដ្ឋាន អ្នកអប់រំផ្សព្វផ្សាយនៅសហគមន៍ ឲ្យទទួលបានចំណេះដឹង និងជំនាញ​ពិត​ប្រាកដ​ផ​ងដែរ។

នៅក្នុង​សារលិខិតខាងលើនេះដែរ សម្តេចកិត្តព្រឹទ្ធបណ្ឌិត ប៊ុន រ៉ានី ហ៊ុន សែន ក៏បានលើកឡើង ផងដែរ​ថា ការបន្តអភិវឌ្ឍ ប្រព័ន្ធសុខាភិបាល និងអភិវឌ្ឍធនធានមនុស្សវិស័យសុខាភិបាល ស្រប​ទៅ​នឹង យុទ្ធសាស្រ្តបច្ចកោណរបស់រាជរដ្ឋាភិបាលក្នុងអាណត្តិទី៧នេះ នឹងនាំទៅ​ដល់​ការ​ទទួល​បាន​សេវា​ថែទាំ សុខភាព និងការព្យាបាលប្រកបដោយគុណភាព ជាពិសេស​សេវា​ថែ​ទាំ​សុខ​ភាពមាតា ទារក និងកុមារនៅ កម្ពុជាឲ្យកាន់តែមានប្រសិទ្ធភាពបន្ថែមទៀត ជាមួយ​នឹង​ក្តី​រំពឹង​យ៉ាង​ម៉ុតមាំ​របស់សម្តេចកិត្តិព្រឹទ្ធបណ្ឌិតថា រាជរដ្ឋាភិបាលនឹងសម្រេចបាននូវសមិទ្ធផលថ្មីៗ បន្ថែ​ម​ទៀត​ក្នុងការធ្វើឲ្យកាន់តែប្រសើរឡើងនូវស្ថាន ភាពសុខភាពមាតា ទារក និងកុមារកម្ពុជា៕

អត្ថបទ បាន ចក់